Հոկտեմբերի 26-ին Սիրիայի Դեր Զոր նահանգի ալ-Մայադին քաղաքում ահաբեկիչների դեմ մղած մարտերում սպանվել է իրանցի զինծառայող 42 ամյա Մոհսեն Ջամալին, ով 4-րդ անգամ էր ուղարկվել էր Սիրիա։ Այս մասին նոյեմբերի 3-ին տեղեկացնում է իրանական «ԻՍՆԱ» լրատվական գործակալությունը։ Ջամալին Իրանի Ֆարս նահանգի, Քազերուն քաղաքից էր։
Սիրիայում սպանված իրանցի զինծառայող Մոհսեն Ջամալին
Ավելի վաղ Սիրիայում Իրանը կորցրել էր ևս մեկ գեներալ (թվով արդեն 11-րդը):
Չնայած նրան, որ Սիրիայում պարբերաբար իրանցի զինծառայողներ կամ Իրանի կողմից հովանավորվող ջոկատների մարտիկների են զոհվում, Իրանը հերքում է, որ ռազմական ստորաբաժանումներ ունի այդ երկրում և շարունակում է պնդել, որ իրականացնում է միայն խորհրդատավական առաքելություն:
Օրերս Իրանի բանակի հրամանատարի տեղակալը հայտնել էր, որ ԻՀՊԿ «Ղոդս» ստորաբաժանման համակարգմամբ բանակի ցամաքային ուժերի զինծառայողները շարունակում են խորհրդատվական առաքելություն իրականացնել Սիրիայում: Բացի այդ իրանական ինքնաթիռներով օգնություն է հասցվում սիրիական գյուղեր: