Թուրքական MKEK ռազմարդյունաբերական ընկերությունը Թուրքիայի ուժային կառույցներին մինչև այժմ մատակարարել է 3200 միավոր տեղական արտադրության MPT-76 ավտոմատ, որից 500-ը մակատարարվել է երկրի նախագահի պահպանության գնդին: Այս մասին հայտնում է թուրքական պետական «Անադոլու» գործակալությունը:
Մեհմեթչիք-1
Աղբյուրը նշում է, որ ընդհանուր առմամբ պատվիրել են 45000 ավտոմատ, MKEK ընկերությունը նախատեսում է մնացած մատակարարումները կատարել առաջիկա տարվա ընթացքում:
Բացի Թուրքիայի ուժային կառույցներից, թուրքական ընկերությունը 450 MPT-76 ավտոմատ է մատակարարել Սոմալիին: Թուրքական աղբյուրը նաև նշում է, որ ևս 500 միավոր թուրքական արտադրության ավտոմատ «պատվիրել է Հյուսիսային Կիպրոսի թուրքական հանրապետությունը»:
Նշենք, որ MPT-76 ավտոմատն արտադրվում է գերմանական Heckler & Koch ընկերության HK 417 ավտոմատի բազայի վրա՝ գերմանական ընկերության արտոնագրով: MPT-76-ների արտադրությամբ, ՊԱԳՎ-ի հետ կնքված պայմանագրի համաձայն, զբաղվում են MKEK և Kalekalıp ռազմարդյունաբերական ընկերությունները: Ավտոմատն արտադրվում է «Մեհմեթչիք-1» (MPT-55, 5.45 մմ) և «Մեհմեթչիք-2» (MPT-76, 7.62 մմ) տարբերակներով:
MPT-76 ավտոմատի բնութագրերը
- Տրամաչափը` 7,62 մմ
- Երկարությունը` 920 մմ
- Զանգվածը` 4,1 կգ
- Խոցման արդյունավետ հեռավորությունը` 600 մ
- Խոցման առավելագույն հեռավորությունը` 1200 մ
- Կրակի տեմպը՝ 650 կրակ/րոպե: