Սյունիքի մարզպետ Սուրեն Խաչատրյանի որդուն` Տիգրան Խաչատրյանին և թիկնապահ Զարզանդ Նիկողոսյանին տեղափոխել են կալանավայր, տեղեկացնում է «Փաստինֆոն»։
Գործակալության տվյալներով՝ նրանց մեղադրանքներ են առաջադրվել շատերի կյանքի համար վտանգավոր եղանակով սպանության, կյանքի համար վտանգավոր ծանր մարմնական վնասվածքներ պատճառելու, զենք-ռազմամթերք ձեռք բերելու և պահելու համար:
Սուրեն Խաչատրյան
Դատարանն արդեն բավարարել է նախաքննական մարմնի միջնորդությունը և որպես խափանման միջոց կիրառել կալանավորումը:
Խաչատրյանն ու Նիկողոսյանը տեղափոխվել են մեկուսարան:
Հիշեցնենք, որ հունիսի 1-ին Գորիսում փոխհրաձգության հետևանքով ծանր վիրավորվել է ՊԲ N զորամասի հրամանատար, գնդապետ Արտակ Բուդաղյանը, իսկ նրա եղբայրը՝ Ավետիք Բուդաղյանը՝ մահացել։