Հոկտեմբերի 26-ին Իրաքի կառավարական ուժերը նոր գրոհ են սկսել Իրաքի տարածքում «Իսլամական պետություն» ահաբեկչական խմբավորումից սիրիա-իրաքյան սահմանին մոտ գտնվող մի քանի տարածքները ազատագրելու համար: Սիրիային սահմանակից Ալ-Կաիմ և Ռավա շրջանները Իրաքում «Իսլամական պետության» ներկայության վերջին հենակետերն են: Այս մասին հայտնել է Իրաքի վարչապետը. փոխանցում է Reuters լրատվական գործակալությունը:
#Anbar ” Iraqi forces firing away at Daesh locations in #Rawa after liberation ops began this morning. pic.twitter.com/T7NTxlP4UM
— Blazing Fury (@FuryBlazing) October 26, 2017
Գրոհից առաջ Իրաքի օդուժը թռուցիկներ է տարածել ահաբեկիչների վերահսկած տարածքներում, որում ահաբեկիչներին հանձնվելու, իսկ քաղաքացիական բնակչությանը ահաբեկիչների դիրքերից հեռու մնալու կոչ էր արվում:
«ԻՊ անդամները պետք է ընտրություն կատարեն մահի կամ հանձնվելու միջև», — հայտարարել է Իրաքի վարչապետ Հայդար ալ-Աբադին:
Հիշեցնենք, որ հոկտեմբերի սկզբին Իրաքի կառավարական ուժերը ազատագրել էին վերջին հենակետերից Հավիջա քաղաքը, որն ընկած է Քիրքուքից արևմուտք։
«Իսլամական պետությունը» Իրաքում կորցրել է իր վերահսկած կարևոր տարածքների մեծ մասը: Վերջին մի քանի ամիսներին Իրաքի կառավարական բանակին հաջողվել է ԻՊ զինյալներից ազատագրել ռազմավարական կարևոր նշանակություն ունեցող Մոսուլ և Թալ-Աֆար քաղաքները, մի շարք այլ բնակավայրեր:
#BREAKING Follow-up#Iraq's federal forces launch last big fight against #ISIS
–@AFP/@MailOnline#Anbar #Qaim #Rawa
>https://t.co/uK3kQJLGBI pic.twitter.com/N5Qlw5PPPE— MT Strategy Now 🦅 (@MT_Consult) October 26, 2017