Ռուսաստանի Դաշնության պաշտպանության նախարարությունը ռազմավարական նշանակության ավիացիայի վերանորոգման պայմանագրեր է կնքել, փոխանցում է «ՌԻԱ Նովոստի»-ն։
ՌԴ ՊՆ-ն պայմանագիր է կնքել «Կուզնեցով» ընկերության հետ դեռ մայիսի 13-ին, սակայն այդ մասին հայտնի է դարձել այսօր։
Ընկերությունը կվերանորոգի ՆԿ-12ՄՊ, ՆԿ-25 և ՆԿ-32 տեսակի շարժիչները, որոնք համապատասխանաբար տեղադրված են ՌԴ օդուժի Տու-95ՄՍ, Տու-22Մ2/Մ3 և Տու-160 ինքնաթիռների վրա։
Ներկայում Ռուսաստանի բանակի սպառազինության մեջ կան 150 միավոր Տու-22Մ2/Մ3 , 32 միավոր Տու-95ՄՍ և Տու-160 ռմբակոծիչներ։
Կողմերի միջև կնքված պայմանագրի մանրամասները չեն հրապարակվում։