Այսօր՝ հոկտեմբերի 23-ին, Վայոց Զորի մարզում ավտովթարի հետևանքով մահացել է ՀՀ զինված ուժերի ժամկետային զինծառայող, 19-ամյա Գևորգ Սամվելի Խանամիրյանը: Այս մասին հայտնում են ՀՀ Քնչական կոմիտեից:
Վթարված «ՈւԱԶ» մակնիշի ավտոմեքենան: Լուսանկարը՝ Shamshyan.com լրատվակայքի
Նախնական տվյալներով ժամը 08:00-ի սահմաններում, ժամկետային զինծառայող, շարքային Գևորգ Սամվելի Խանամիրյանի վարած «ՈւԱԶ» մակնիշի ավտոմեքենան Եղեգնաձոր-Ագարակաձոր ճանապարհի «Գռավ» կոչվող հատվածում դուրս է եկել ճանապարհի երթևեկելի գոտուց դեպի ձախ և շուրջ 27 մետր գլորվել ձորը:
Վթարի հետևանքով Գևորգ Խանամիրյաը և ուղևոր Տիգրան Սամվելի Սարգսյանը ստացած մարմնական վնասվածքներով տեղափոխվել են Եղեգնաձորի բժշկական կենտրոն, որտեղ ժամը 12:00-ին Խանամիրյանի մոտ արձանագրվել է կենսաբանական մահ:
Վթարի ժամանակ ժամկետային զինծառայող Գ.Խանամիրյանը գտնվել է արձակուրդում՝ պապի հուղարկավորությանը մասնակցելու համար:
Տիգրան Սարգսյանի մոտ ախտորոշվել է ձախ ձեռքի դաստակի կոտրվածք՝ տեղաշարժով: