Հոկտեմբերի 15-ին Իրանի բանակի ցամաքային ուժերը ներկայացրել են 155մմ «Աշուրա» հրանոթը։ Դատելով լուսանկարներից՝ այն ամերիկյան արտադրության M114/39 հաուբիցի հիմքի վրա ստեղծված HM 41 հաուբիցն է, որը տեղակայվել է բեռնատար մեքենայի շասսի վրա։ Այս մասին տեղեկացնում է իրանական «Թասնիմ» լրատվական գործակալությունը։
Հիշեցնենք, որ ավելի վաղ Իրանի բանակի ցամաքային ուժերը ցուցադրել էին արդիականցված նախկին խորհրդային զինտեխնիկա, մասնավորապես ՝
- ԲՏՌ-60 (Իրանական անվանումը՝ «Հեյդար-7») զրահափոխադրիչը, որի վրա տեղակայված է 23մմ տրամաչափի հրանոթ,
- KrAz բեռնատարի վրա մոնտաժված Դ-30 («Հեյդար-41») 122մմ հաուբիցը,
- ԲՄ-21 «Գռադ» («Հեյդար-44») համազարկային կրակի ռեակտիվ համակարգը։