Հերթական ոչ մարտական կորուստը ադրբեջանական բանակում

Հոկտեմբերի 14-ին հայտնի է դարձել, որ Ադրբեջանի Ֆիզուլի շրջանի զորամասերից մեկում ինքնասպան է եղել զինված ուժերի զինծառայող Ռզաև Ռզա Հաբիլ օղլուն (Rzayev Rza Habil oğlu): Զինծառայողը հայտնաբերվել է կախված վիճակում: Այս մասին հայտնում է ադրբեջանական ընդդիմադիր Meydan TV լրատվակայքը:

Ադրբեջանի բանակի զինծառայող Ռզաև Ռզա Հաբիլ օղլուն (Rzayev Rza Habil oğlu). նկարը՝ Meydan TV լրատվակայքի

Ադրբեջանի բանակի զինծառայող Ռզաև Ռզա Հաբիլ օղլուն (Rzayev Rza Habil oğlu). նկարը՝ Meydan TV լրատվակայքի

Ըստ աղբյուրի՝ զինծառայողը 21 տարեկան էր, ծնվել էր 1996-ի օգոստոսի 29-ին Գյանջա քաղաքում: Բանակ էր զորակոչվել 2017-ի հուլիսին:

Meydan TV պնդմամբ՝ զինծառայողի եղբայրը՝ Հիքմեթ Ռզաևը հաստատել է այս տեղեկությունը: Ըստ նրա՝ հոկտեմբերի 12-ին զանգահարել են և հայտնել, որ եղբայրը ինքնասպան է եղել: Հիքմեթ Ռզաևը նաև հայտնել է, որ միջադեպից 3 օր առաջ այցելել է եղբորը և ոչ մի խնդիր չի նկատել այդ ժամանակ:

Նշենք, որ Ադրբեջանի պաշտպանության նախարարությունը դեռևս չի հայտնել զինծառայողի կորստի մասին:

Ավելացնենք, որ 2017 թ. հունվարի 1-ից մինչև օրս բաց աղբյուրներից մեզ հայտնի է դարձել Ադրբեջանի բանակի 50 մահացած զինծառայողի անուն, ևս զինծառայողի անուն էլ հայտնի չէ:

Բացի այդ, հայտնի է ևս 3 մահացածի անուն, որոնք, հնարավոր է, Ադրբեջանի ներքին զորքերի զինծառայողներ էին։

Ադրբեջանի բանակի զինծառայող Ռզաև Ռզա Հաբիլ օղլուն (Rzayev Rza Habil oğlu) ընտանիքի հետ միասին. նկարը՝ Meydan TV լրատվակայքի

Ադրբեջանի բանակի զինծառայող Ռզաև Ռզա Հաբիլ օղլուն (Rzayev Rza Habil oğlu) ընտանիքի հետ միասին. նկարը՝ Meydan TV լրատվակայքի

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *