Թուրքական Meteksan Savunma ռազմարդյունաբերական ընկերությունը երկրի պաշտպանական արդյունաբերության գլխավոր վարչությանն է (ՊԱԳՎ) հանձնել «Աթաք» հարվածային ուղղաթիռների համար նախատեսված տեղական արտադրության MİLDAR ռադարային համակարգը: Այս մասին հայտնում է թուրքական պետական «Անադոլու» գործակալությունը:
Թուրքական Meteksan Savunma ռազմարդյունաբերական ընկերության արտադրության MİLDAR ռադարային համակարգ
Ռադարային համակարգը T129 «Աթաք» ուղղաթիռի վրա արդեն իսկ տեղադրվել է և երկար ժամանակ փորձարկումներ է անցել: Ընկերությունը նախատեսում է սկսելու համակարգի սերիական արտադրությունը: Ընդ որում, ըստ աղբյուրի՝ համակարգերը կարող են ինտեգրվել ոչ միայն «Աթաք» ուղղաթիռներին, այլ նաև այլ ուղղաթիռների:
MİLDAR ռադարային համակարգի առանձնահատկությունները.
- Կարող է հետևել թիրախներին,
- Միանգամից մի քանի թիրախ հայտնաբերել,
- Արագ և դանդաղ սկանավորում իրականացնել,
- 2,5 կմ հեռավաորթյան վրա ռելիեֆային պրոֆիլ ստեղծել,
- Նավիգացիոն աջակցություն ցուցաբերել:
Հիշեցնենք, որ ընդհանուր առմամբ՝ թուրքական TAI ավիաշինական ընկերությունը ցամաքային զորքերին պետք է հանձնի 59 միավոր «Աթաք» ուղղաթիռ: Մատակարարումներն ավարտվելու են 2018-ին: Մինչև այժմ Թուրքիայի զինուժին հանձնվել է 24 ուղղաթիռ:
T-129 Atak հարվածային ուղղաթիռի ՄՏԲ.
- Թռիչքի առավելագույն արագությունը՝ 269 կմ/ժ,
- Առավելագույն բեռնատարողությունը՝ 1200 կգ,
- Թռիչքի առավելագույն բարձրությունը՝ 6 կմ,
- Գործողության իրականացման առավելագույն բարձրությունը՝ 3 կմ
- Մեկ լիցքավորմամբ հաղթահարվող տարածությունը՝ 561 կմ:
Ուղղաթիռն արտադրվել է իտալական Agusta A129 Mangusta ուղղաթիռի հիմքի վրա՝ թուրքական և իտալական ընկերությունների մասնակցությամբ։
Թուրքիայի ԶՈւ Տ-129 «Աթաք» ուղղաթիռը կիրառում է տեղական Mızrak-U հրթիռ