Ռուսաստանի ԶՈւ հարավային ռազմական շրջանի՝ Աբխազիայում տեղակայված դիպուկահար ստորաբաժանումների շուրջ 100 զինծառայող եռօրյա վարժանքներ են անցկացրել բարձրլեռնային «Ցաբալ» զորավարժարանում։ Այս մասին սեպտեմբերի 7-ին տեղեկացնում է ՌԴ ՊՆ կայքը։
Վարժանքներին դիպուկահարները յուրացրել են քողարկված շարժվելու, դիրքավորվելու, թիրախավորելու հմտություններ։
Զինծառայողները հետախուզել են թիրախները, որոշել դրանց գտնվելու հեռավորությունը։ Հետախուզության համար կիրառվել են տարբեր սարքավորումներ՝ այդ թվում ԼՊՐ-3 հետախուզության լազերային սարքը։
Վարժանքների ավարտին դիպուկահարները կրակել են ՍՎԴ և ՍՎ-98 դիպուկահար հրացաններով։
Զինծառայողները խոցել են պայմանական հակառակորդի դիպուկահարին նույնականացնող թիրախները։ Թիրախների առավելագույն հեռավորությունը կազմել է 1100մ։ Թիրախների խոցման համար օգտագործվել է 1000-ից ավելի փամփուշտ։