Սիրիայի կառավարական ուժերը մտել են «Իսլամական պետություն» ահաբեկչական խմբավորման վերջին խոշոր հենակետ Դեր Զորի նահանգ , ինչպես նաև ընդհուպ մոտեցել են նահանգի կենտրոն նույնանուն քաղաքին, որտեղ կան շրջափակված սիրիական ուժեր:
After latest advances in Deir ezZor SAA is around 30km from the besieged city. 3routes are open for advances 2 of them bypass Shulah village pic.twitter.com/byXYDYcnBH
— monitoring (@warsmonitoring) September 3, 2017
Օգոստոսի 12-ին Հոմս նահանգի Աս-Սուխնա քաղաքը ազատագրելուց հետո կառավարական ուժերը արևելյան ուղղությամբ շարժվել են դեպի Դեր Զոր նահանգը: Այս ամսվա սկզբից կառավարական ուժերին հաջողվել է ընդհուպ մոտենալ Դեր Զոր քաղաքին, որի մի մասը գտնվում էր հիմնական ուժերից կտրված Սիրիայի բանակի ստորաբաժանումների վերահսկողության տակ:
#MAP: #SAA & allies just approx. 30km to break #ISIS/#Daesh militants siege of #DeirEzzor #Syria @PetoLucem pic.twitter.com/KCRzfE1X5K
— Islamic World Update (@islamicworldupd) September 3, 2017
Առաջխաղացման ընթացքում կառավարական ուժերին օդից կրակային աջակցություն է ցուցաբերում ՌԴ օդուժը: Սեպտեմբերի 2-ին ՌԴ ՊՆ-ն հայտնել էր, որ Սիրիայի կենտրոնական հատվածում հարվածել են ԻՊ շարասյան, որը ոչպես համալրում ընթանում էր Դեր Զոր:
Հարվածների արդյունքում ոչնչացվել են նաև զենքի պահեստներ, տանկեր և այլ զինտեխնիկա:
Սոցցանցերում նշվում է նաև, որ ԻՊ-ն քաղաքի հարևան բնակավայրերից փորձում է ուժերը մոբիլիզացնել և կուտակել Դեր Զորում:
Հիշեցնենք, որ օգոստոսի վերջին ԱՄՆ աջակցությամբ գործող, արաբներից և հիմնականում քրդերից կազմված «Սիրիայի դեմոկրատական ուժերըի» (SDF) հրամանատարներից մեկը հայտնել էր, որ իրենք ևս պատրաստվում շարունակել իրենց առաջխաղացումը Դեր Զորում:
Սիրիայի բանակի հատուկջոկատայինները Դեր Զոր նահանգում