Օգոստոսի 31-ին Թուրքիայի պաշտպանության նախարար Նուրեթթին Ջանիքիլին այցելել և ստուգումներ է անցկացրել Թուրքիայի ժանդարմերիայի՝ հարավարևելյան Շրնաք նահանգում տեղակայված ստորաբաժանումներ: Այս մասին հայտնում է Թուրքիայի ՊՆ կայքը (1, 2):
23. Jandarma Sınır Tümen Komutanı Tümg. Veli Tarakcı'dan brifing alan Millî Savunma Bakanı Nurettin Canikli, Mehmetçikle bir araya geldi. pic.twitter.com/ze5OEBBUSj
— Savunma Bakanlığı (@tcsavunma) September 1, 2017
Թուրքիայի պաշտպանության նախարարը մասնավորապես եղել է Ժանդարմերիայի 23-րդ սահմանապահ դիվիզիայի ստորաբաժանումներում և զորամասերում, այցելել դիվիզիայի բարձրլեռնային հատվածներում տեղակայված Գյորմեչ և Նամազադաղը զորամասեր, բազաներում: Նամազդաղըի զորամասում Նուրեթթին Չանիքլին հետևել է թուրքական արտադրության «Ֆըրթընա» հաուբիցներից արվող կրակային վարժանքներին:
Ստորաբաժանումների և զորամասերի մասին պաշտպանության նախարարին զեկուցել է 23-րդ սահմանապահ դիվիզիայի հրամանատարը:
Նշենք, որ Շրնաք նահանգի ժանդարմերիայի ստորաբաժանումները ներկայում ներգրավված են «Քրդստանի աշխատավորական կուսակցության» (PKK) դեմ ռազմական գործողություններում:
Շրնաք նահանգը Թուրքիայի ուժայինների և քուրդ զինյալների բախումների ակտիվ կենտրոններից մեկն է: Բախումների հետևանքով Շրնաք նահանգի մի շարք բնակավայրեր ավերվել են, նահանգի վարչական կենտրոնի շինությունների գրեթե 70 տոկոսը ոչնչացված է:
Թուրքիայի պաշտպանության նախարարը այցելել է Շրնաք նահանգում ժանդարմերիայի ստորաբաժանումներ
Թուրքիայի պաշտպանության նախարարը այցելել է Շրնաք նահանգում ժանդարմերիայի ստորաբաժանումներ