Օգոստոսի 28-ից 30-ը ՀԱՊԿ գլխավոր քարտուղար Յուրի Խաչատուրովը Հայաստան այցի շրջանակներում կհանդիպի նախագահ Սերժ Սարգսյանին, բանակցություններ կվարի ԱԳ և պաշտպանության նախարարներ Էդվարդ Նալբանդյանի և Վիգեն Սարգսյանի, ԱԺ ղեկավարության հետ:
Այս մասին հայտնում է Հավաքական անվտանգության պայմանագրի կազմակերպության կայքը:
Այցը կազմակերպվել է 2017 թվականի աշնանը Մինսկում անցկացվելիք ՀԱՊԿ հավաքական անվտանգության խորհրդի և կազմակերպության անդամ երկրների ԱԳ և պաշտպանության նախարարների, ՀԱՊԿ անվտանգության խորհրդի քարտուղարների համատեղ նիստերին ընդառաջ:
ՀԱՊԿ գլխավոր քարտուղար Յուրի Խաչատուրովը այցելելու է նաև կազմակերպության անդամ մյուս պետություններ: