Սիրիայի հետ սահմանին զոհվել է Լիբանանի բանակի 3 զինծառայող

Օգոստոսի 20-ին Լիբանանի ԶՈւ զինծառայողներին տեղափոխող մեքենան սիրիա-լիբանանյան սահմանին պայթել է ականի վրա, ինչի հետևանքով զոհվել է 3 զինծառայող, ևս 1-ը ծանր վիրավորվել է: Այս մասին հայտնում է Reuters գործակալությունը:

Լիբանանի բանակը սիրիա-լիբանանյան սահմանի Ռաաս-Բալբեք քաղաքում, օգոստոս 2017

Լիբանանի բանակը սիրիա-լիբանանյան սահմանի Ռաաս-Բալբեք քաղաքում, օգոստոս 2017

Դեպքը տեղի է ունեցել Լիբանանի Արսալ նահանգի լեռնային շրջանում, որտեղ վերջին շրջանում իսլամիստ զինյալների դեմ գործողություններ է իրականացրել լիբանանյան «Հեզբոլլահ» շարժումը՝ Սիրիայի կառավարական ուժերի հետ համակարգմամբ:

Լիբանանյան բանակը Սիրիայի սահմանին ահաբեկչական խմբավորումների և մասնավորապես «Իսլամական պետության» դեմ գործողություններ են սկսել օգոստոսի 20-ից: Բանակի խոսնակը հայտարարել է, որ երկօրյա գործողությունների ընթացքում բանակի ազատագրել է ահաբեկիչների վերահսկած տարածքների մոտ 2/3-ը:

Խոսնակը նաև հայտարարել է, որ բանակի գործողությունները չեն համակարգվում «Հեղբոլլահ» շարժման և Սիրիայի կառավարական բանակի գործողությունների հետ:

Նշենք, որ «Հեզբոլլահ» շարժումը հիմնականում գործողություններ է իրականացրել նախկին «Ալ-Նուսրայի ճակատ» ահաբեկչական խմբավորման դեմ: Բացի այդ, կողմերը համաձայնություն են ձեռք բերել, որի համաձայն՝ զինյալները և նրանց ընտանիքների անդամները՝ մոտ 9000 մարդ, լքել են սիրիա-լիբանանյան սահմանը՝ մասնավորապես Արսալ նահանգը:

Ահաբեկչական խմբավորումները Արսալ նահանգի լեռնային տարածքն օգտագործում էին դեպի Սիրիա զենքի ապօրինի տեղափոխման համար:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *