«Միջազգային բանակային խաղերին» ՀՀ ԶՈւ զինծառայողների գրանցած արդյունքները

Օգոստոսի 13-ին կայացավ «Միջազգային բանակային խաղերի» փակման արարողությունը, որին մասնակցեց նաև ՀՀ ԶՈւ ԳՇ պետ, գեներալ-լեյտենանտ Մովսես Հակոբյանը: Ներկայացնում ենք խաղերի 5 մրցույթի շրջանակներում ՀՀ ԶՈւ ներկայացուցիչների գրանցած արդյունքները: 

«Միջազգային բանակային խաղերի» շրջանակներում Հայաստանի զինված ուժերի ներկայացուցիչները, մասնակցել են 5 մրցույթի, որոնք անցկացվում էին Ռուսաստանում, Ղազախստանում և Բելառուսում:

  • «Տանկային բիաթլոն» (Танковый биатлон)
  • «Անվտանգ երթուղի» (Безопасный маршрут)
  • «Զորային հետախուզության գերազանցիկները» (Отличники войсковой разведки)
  • «Դիպուկահարի սահմանագիծ» (Снайперский рубеж)
  • «Ընկերակցության զինվոր» (Воин содружества)

«Տանկային բիաթլոնում» ՀՀ ԶՈւ տանկիստները չկարողացան կիսաեզրափակիչ փուլում ձեռք բերել եզրափակչի ուղեգիր: Մանրամասները՝ այստեղ:

«Դիպուկահարի սահմանագիծ» մրցույթում ՀՀ ԶՈւ դիպուկահարները ընդհանուր հաշվարկով գրավեցին 17-ից 9-րդ տեղը՝ չկարողանալով դուրս գալ երկրորդ փուլ:

«Անվտանգ երթուղի» մրցույթում Հայաստանը զբաղեցրեց վերջին՝ 4-րդ հորիզոնականը:

«Զորային հետախուզության գերազանցիկները» մրցույթում ՀՀ ԶՈւ հետախույզները գրավեցին նախավերջին, 6-րդ հորիզոնականը՝ առաջ անցնելով միայն Զիմբաբվեի հետախույզներից:

«Ընկերակցության զինվոր» մրցույթում, որին բացի Հայաստանից մասնակցում էր ՀԱՊԿ անդամ ևս 3 երկիր, Հայաստանը զբաղեցրեց 4-րդ հորիզոնականը:

Արդյունքները ներկայացված են «Միջազգային բանակային խաղերի» համար նախատեսված ՌԴ ՊՆ կայքի հատուկ հարթակից:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *