Ստեփանակերտի Թումանյան փողոցում շարունակվում է 2016-ի հոկտեմբերին մեկնարկած սպայական ընտանիքների համար կառուցվող 10 հարկանի շենքի շինարարության աշխատանքը: Շինարարության նախատեսվում է ավարտել 2018-ի տարեվերջին: Այս մասին հայտնում է Արցախի քաղաքաշինության կայքը։
Ներկայում ընթանում է նկուղային հարկի՝ ապաստարանի ծածկի կառուցումը, պատերի շարվածքը:
Շենքն ունենալու է այս տեսքը․
Ընդհանուր առմամբ, շենքը կունենա 9 բնակելի հարկ, 2 մուտք՝ 108 բնակարանով, որից 18-ը կլինի 3 սենյականոց, յուրաքանչյուրը 86քմ. մակերեսով, 90-ը՝ 2 սենյականոց, 54-ից 60 քմ. մակերեսով:
Ծրագիրn իրականացվում է ռուսաստանաբնակ գործարար, բարերար Վիտալի Գրիգորյանցի միջոցներով: Բնակարանները կտրամադրվեն ՊԲ և պահեստազորի սպայակազմի, զոհված ազատամարտիկների ընտանիքների:
Արցախ ղեկավար Բակո Սահակյանը 2016-ի հոկտեմբերի 31-ին ներկա է եղել շենքի հիմնարկեքի հանդիսավոր արարողությանը։
Նշենք, որ այսօր Արցախի ղեկավարի խորհրդականը հայտնել էր, որ Ստեփանակերտում սպայական ընտանիքների համար կառուցվում է ևս 2 շենք՝ յոթհարկանի։