Միացյալ Նահանգների աջակցությամբ գործող արաբա-քրդական ուժերից կազմված «Սիրիայի դեմոկրատական ուժերը» (SDF) խմբավորումը «Իսլամական պետություն» ահաբեկչական խմբավորումից ազատագրել է Ռաքքա քաղաքի 50 տոկոսը: Այս մասին օգոստոսի 10-ին հայտարարել է ԻՊ դեմ պայքարի ԱՄՆ-ի գլխավորած միջազգային կոալիցիայի խոսնակ, գնդապետ Ռայան Դիլոնը:
#Raqqah : #YPG / #SDF / #YPJ free Shahada + Hisham Abdumalik districts from #Daesh , linking SW and SE fronts v @ClaudiaAlMina pic.twitter.com/lOhBfqxjQJ
— Emmanuel (@EmmanuelGMay) August 10, 2017
Նույն օրը SDF կազմում գործող քրդական «Ժողովրդական ինքնապաշտպանության ջոկատներ» (YPG) խմբավորման հրամանատարներից Հավալ Գաբարը հայտարարել է, որ ԱՄՆ-ի աջակցությամբ գործող ուժերը արդեն շրջափակել են ԻՊ-ին Ռաքքա քաղաքի կենտրոնում: Փոխանցում է Reuters գործակալությունը:
Քուրդ հրամանատարը նաև հայտարարել է, որ Ռաքքայի ամբողջական ազատագրման համար կպահանջվի ևս 3 կամ 4 ամիս: Ըստ նրա՝ ուժերի համար հիմնական խոչընդոտը ԻՊ զինյալների տեղադրած ականներն են և պայթուցիկներով բեռնված մեքենաները:
Ավելի վաղ քրդական ուժերը ճեղքել էին «Իսլամական պետություն» ահաբեկչական խմբավորման պաշտպանությունը և մտել Ռաքքա քաղաքի հնագույն թաղամասեր:
2017-ի հունիսից SDF-ի մարտիկները ԱՄՆ աջակցությամբ սկսել են Ռաքքա քաղաքի գրոհը։ SDF-ը գրոհը սկսել էր արևմուտքից, արևելքից և հարավից, սակայն հունիսի 20-21-ը քրդական ուժերին հաջողվել էր վերահսկողություն են հաստատել նաև քաղաքի հարավային Շեյխ ալ-Ջիմալ թաղամասում:
After liberating Southern axes in #Raqqa #SDF moves to next district to #DefeatDaesh pic.twitter.com/vWkcOi3PAQ
— Rojava (@AzadiRojava) August 11, 2017