Օգոստոսի 10-ին հրդեհ է բռնկվել ՀՀ Վայոց Ձորի մարզի Արտավան գյուղին պատկանող անտառապատ տարածքում: Օգոստոսի 11-ին՝ ժամը 06:25-ի դրությամբ այրվող տարածքը կազմել է 230 հա: Հրդեհաշիջմանը ներգրավվել են ԱԻն, ոստիկանության աշխատակիցներ և ՀՀ ԶՈւ զինծառայողներ, զինտեխնիկա: Այս մասին հայտնում է ՀՀ արտակարգ իրավիճակների նախարարության կայքը:
ՀՀ ԶՈւ ուղղաթիռը ներգրավվել է Վայոց Ձորում հրդեհաշիջման աշխատանքների
Հրդեհաշիջման աշխատանքների իրականացման համար օգտագործվում են դեպքի վայրից 3 կմ հեռավորության վրա գտնվող Հերհերի ջրամբարի ջրային պաշարները:
Օգոստոսի 11-ին՝ ժամը 06:25-ի դրությամբ՝ այրվում էր 230 հա խոտածածկ և անտառային տարածք:
Ժամը 09:30-ի դրությամբ՝ հրդեհաշիջման աշխատանքները շարունակվում են՝ ներգրավված է ԱԻՆ 5 մարտական հաշվարկ, 92 հրշեջ-փրկարար, զինված ուժերի 100 զինծառայող, ոստիկանության 73 աշխատակից:
Հրդեհաշիջմանը ներգրավվել է նաև ՀՀ պաշտպանության նախարարության ռազմաօդային ուժերի ուղղաթիռ:
Ժամը 10:25-ի դրությամբ այրվում է 14 էլ. սյուն, ինչի հետևանքով հոսանքազրվել է Արտավան գյուղը:
Դեպքի վայրում են փրկարար ծառայության տնօրեն, փ-ծ գնդապետ Մ. Ղազարյանը, ՃԿԱԿ պետ, փ-ծ գնդապետ Հ. Խանգելդյանը, ՀՀ գյուղատնտեսության նախարարության փոխնախարար Ա. Հարությունյանը, փոխմարզպետները, Վայքի ոստիկանապետ, գնդապետ Մ. Դավթյանը, հատուկ հրշեջ և 3 հրշեջ-փրկարարական ջոկատների հրամանատարներ և այլ պատկան մարմինների ներկայացուցիչներ:
Վայոց Ձորում անտառածածկ տարածք է այրվում. 11.08.2017
Վայոց Ձորում մարում են անտառածածկ տարածքում բռնկված հրդեհը
Վայոց Ձորում անտառածածկ տարածք է այրվում. 11.08.2017
Վայոց Ձորում անտառածածկ տարածք է այրվում. 11.08.2017