Օգոստոսի 7-ին Իսրայելում վթարվել է ռազմաօդային ուժերի AH-64 Apache հարվածային ուղղաթիռ: Վթարի հետևանքով մահացել է ուղղաթիռի օդաչուներից մեկը, մյուս օդաչուն ծանր վնասվածքներ է ստացել: Այս մասին հայտնում է Իսրայելի ՌՕՈւ-ն:
Միջադեպը եղել է Իսրայելի հարավում տեղակայված «Ռամոն» ավիաբազայի մոտակայքում: Ուղղաթիռը ուսումնամարզական թռիչքներ իրականացնելիս է եղել:
Վթարի հետևանքով մահացած զինծառայողը պահեստազորի օդաչու, մայոր Դուդի (Դավիթ) Զոհարն է, վիրավորված զինծառայողը տեղափոխվել է զինվորական հոսպիտալ: Վթարի պատճառը դեռևս պարզված չէ:
Նշվում է, որ մինչ հետաքննության ավարտը իջեցվել է Իսրայելի ՌՕՈւ հարվածային ուղղաթիռների խումբը :
Ամերիկյան արտադրության AH-64 Apache ուղղաթիռը շահագործման են հանձնել 1986-ին։ Հետագա տարիներին ստեղծվել են դրա տարբեր մոդիֆիկացիաներ և արտահանվել աշխարհի մի շարք երկրներ։
- Անձնակազմը — 2 հոգի
- Առավելագույն արագությունը — մինչև 365 կմ/ժ
- Թռիչքի առաստաղը — 6400 մետր
- Սպառազինությունում առկա է 30 մմ-անոց հրանոթ և ամրակցման 4 կետ՝ լազերային նշանառությամբ, ինչպես նաև չկառավարվող հրթիռների համար։
Համաձայն բաց աղբյուրների տվյալների՝ իսրայելական բանակում շահագործվում է Apache AH-64 ուղղաթիռի «A» և «D» մոդիֆիկացիաների շուրջ 48 օրինակ։
AH-64 Apache ուղղաթիռ