ԱՄՆ բանակում արգելվել է չինական DJI ընկերության ԱԹՍ-ների շահագործումը

ԱՄՆ բանակում կիբերխոցելիության պատճառով արգելել են ԱԹՍ-ներ արտադրող չինական DJI ընկերության արտադրանքի օգտագործումը: ԱՄՆ բանակի օգոստոսի 2-ի մեմորանդումը փոխանցում է Reuters լրատվական գործակալությունը:

Չինական DJI ընկերության արտադրանքից հրաժարվելու մասին ԱՄՆ բանակի մեմորանդումը

Չինական DJI ընկերության արտադրանքից հրաժարվելու մասին ԱՄՆ բանակի մեմորանդումը

Նշվում է, որ ուսումնասիրվել է DJI ընկերության սարքերի՝ անվտանգ թռիչքի կարողությանը վերաբերող շուրջ 300 անկախ զեկույց, և սարքերի կիբեր խոցելիության պատճառով ԱՄՆ բանակը կասեցնում է չինական ընկերության սարքերի հետագա շահագործումը:

Հրահանգվում է դադարեցնել DJI ընկերության արտադրանքի ցանկացած օգտագործում, սարքերից ջնջել DJI-ի բոլոր հավելվածները և սարքերից հեռացնել բոլոր մեդիա կրիչները:

Քաղաքացիական ԱԹՍ-ների արտադրության առաջատար DJI ընկերությունից, ի պատասխան արգելանքի, հայտնել են, որ իրենց հետ չեն քննարկել խնդիրները, և իրենք կապ կհաստատեն ԱՄՆ բանակի հետ՝ հասկանալու համար, թե ԱՄՆ բանակը ինչ է նկատի ունեցել «կիբերխոցելիություն» ասելով:

Չինական ընկերությունից պատրաստակամություն են հայտնել նաև մտահոգությունները հարթելու համար աշխատել Պենտագոնի հետ:

Հիշեցնենք նաև, որ ԱՄՆ ԶՈւ-ն Աֆղանստանի «Բաղրամ» ավիաբազայում հենց DJI ընկերության դրոններով թռիչքային վարժանքներ և  կիրառման մարտավարությունների ուսումնասիրություն էր անցկացնում:

ԱՄՆ ԶՈւ զինծառայողները վարժանքներ են անցկացնում DJI Phantome քաղաքացիական դրոններով

ԱՄՆ ԶՈւ զինծառայողները վարժանքներ են անցկացնում DJI Phantome քաղաքացիական դրոններով

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *