Հուլիսի 31-ին Ադրբեջանի պաշտպանական արդյունաբերության նախարար Յավեր Ջամալովը հայտնել է, որ ավարտել են «Թուֆան» զրահամեքենան արտադրության դնելու աշխատանքները: Զրահամեքենան սերիական արտադրության նախատեսվում է դնել «մոտ ապագայում»: Այս մասին հայտնել է նախարարության կայքը:
Մինչ այս Ադրբեջանը 2016-ի սեպտեմբերին ADEX-2016 ռազմարդյունաբերական ցուցահանդեսին ներկայացրել էր «Թուֆան» զրահամեքենայի մակետը: Այդ ժամանակ ևս պնդում էին, որ այն ամբողջովին տեղական նախագծման է:
Զրահամեքենայի առաջին փորձնական օրինակը ներկայացվել է 2017 թ. մայիսին Թուրքիայում անցկացված IDEF-2017 ռազմարդյունաբերական ցուցահանդեսին:
Ադրբեջանի ռազարդյունաբերության նախարարության «Թուֆան» զրահամեքենան Ստամբուլի IDEF ցուցահանդեսի ժամանակ
«Թուֆանն» պատկանում է զրահամեքենաների MRAP դասին (Mine-Resistant Ambush Protected – Ականային պայթյուններից ու դարանից հարձակումներից պաշտպանված) զրահամեքենա է: Նշված տեսակի զրահամեքենաները պաշտպանված են ինքնաշեն պայթուցիկ սարքերից և հրազենի կրակոցներից:
«Թուֆան» զրահամեքենայի մարտավարատեխնիկական բնութագրերը՝
- Սպառազինությունը՝ 12,7 մմ տրամաչափի գնդացիր,
- այլ պարագաներ՝
- ծխանռնակներ,
- լազերային հեռաչափ,
- ջերմացույց տեսանկարահանող սարքեր:
- Զանգվածը՝ 12.300 կգ,
- Առավելագույն արագությունը՝ 85 կմ/ժ,
- Շարժիչը՝ 550 ձիաուժ, 8 կամ 12 մխոցանի տուրբո-դիզելային:
Զրահամեքենան կարող է տեղափոխել մինչև 10 մարդ, ներառյալ վարորդը, հրամանատարը և հետևակի 8 զինծառայողները:
Ադրբեջանում արտադրվող «Թուֆան» զրահամեքենա
Ադրբեջանում արտադրվող/հավաքվող զրահամեքենաները.
Ադրբեջանում մինչ այս ևս նման տիպի զրահամեքենաներ արտադրվել են, սակայն այդ մեքենաների մասով հայտնի է, որ դրանք Ադրբեջանում չեն նախագծվել: Ադրբեջանը զրամեքենաների հավաքման ոլորտում համագործակցում է Հարավաֆրիկյան Հանրապետության հետ, հավաքում ճապոնական արտադրության մեքենա: Ստորև ներկայացնում ենք Ադրբեջանում հավաքվող այն զրահամեքենաները, որոնց մասին տեղեկություն կա բաց աղբյուրներում:
Հավաքվել են հետևյալ զրահամեքենաները՝
Ադրբեջանը 2008 թ. զրահամեքենաների շուրջ համագործակցում է հարավաֆրիկյան Paramount Group ընկերության հետ: Նույն տարում Ադրբեջանն առաջին անգամ գնել է այդ ընկերության արտադրության Marauder և Matador զրահամեքենաները։ Հետագայում Ադրբեջանը սկսել է հավաքել նաև նշված զրահամեքենաներից:
Marauder («Մարադյոր»).
- Երկարությունը՝ 5,5 մ,
- Լայնությունը՝ 2,3 մ,
- Զանգվածը՝ 9 տոննա
- Մարտական զանգվածը՝ 15 տոննա,
- Առավելագույն արագությունը՝ 120 կմ/ժ,
- Անձնակազմը՝ 10 զինծառայող,
- Հիմնական սպառազինությունը՝ 7,62 մմ գնդացիր:
Matador («Մատադոր»).
- Մարտական զանգվածը՝ 14,5 տ,
- Անձնակազմը՝ 2 զինծառայող,
- Դեսանտը՝ 12 զինծառայող,
- Երկարությունը՝ 6,5 մ,
- Լայնությունը՝ 2,3 մ,
- Հիմնական սպառազինությունը՝ 7,62 մմ գնդացիր:
-
- Matador զրահափոխադրիչը Բաքի զորահանդեսի ժամանակ
-
- Ադրբեջանի բանակի Marauder զրահապատ մեքենա
Gürzə 2 — Gürzə («Գյուրզա») զրահամեքենայի արդիականացում
ՄԵքենան հավաքվում է Toyota Hilux 4×4 զրահամեքենայի բազայի վրա: արդիականացված տարբերակի վրա տեղադրվել են հավելյալ գնդացիր՝ НСВ-12.7 մմ, ԱԳՍ-30 ավտոմատ նռնականետ, հնարավոր է տեղադրել նաև հակատանկային կառավարվող հրթիռ:
Մեքենայի կողերին ամրացվում են 2 միավոր 7,62 մմ գնդացիրներ՝ 800 կրակոց/րոպե կրակի տեմպով: Գնդացիրի արդյունավետ խոցման առավելագույն հեռահարությունը 1500 մ է (ըստ էության ադրբեջանական կողմը «Կալաշնիկովի գնդացրի» (ПК) ՄՏԲ-ն է ներկայացրել՝ խմբ.):
- Շարժիչի ծավալը — 2500 քսմ
- Մեքենայի երկարությունը — 5,3 մ,
- Լայնությունը – 1,7 մ,
- Բարձրությունը — 2,1 մ:
Ադրբեջանում հավաքվող «Գյուրզա-2» զրահամեքենա
Նախատեսվում է արտադրել՝
İldırım (հայ.՝ «Կայծակ») — Ադրբեջանի և ՀԱՀ համատեղ արտադրության զրահամեքենա: 2016 թ. ադրբեջանական կողմը հայտնել էր, որ այն նախատեսվում է սերիական արտադրության հանձնել 2017 թ.: Առայժմ հավելյալ տեղեկություններ չկան:
- Հիմնական զենքը — 12,7 մմ գնդացիր,
- Անձնակազմը — 12 մարդ,
- Զանգվածը — 13 տոննա,
- Բարձրությունը — 3,3 մ,
- երկարությունը — 7,4 մ,
- Լայնությունը — 2,3 մ,
- Միջանվային տարածությունը — 4,2 մ,
- Շարժիչը — 6-մխոցանի:
Բացի այս Ադրբեջանը նաև ներկրում է զրահամեքենաներ: Մասնավորապես 2016 թ. ադրբեջանական կողմն Իսրայելից գնել է առնվազն 5 միավոր SandCat զրահամեքենա:
Ադրբեջանում հավաքվող «Իլդըրըմ» զրահամեքենա
Ադրբեջանի նախագահ Իլհամ Ալիևը, պաշտպանության նախարար Զաքիր Հասանովը և ԶՈւ ԳՇ պետ Նեջմեդդին Սադիգովը. թիկունքում՝ իսրայելական արտադրության SandCat զրահամեքենաներ