Հուլիսի 31-ին Ադրբեջանի պաշտպանական արդյունաբերության նախարարությունում ընդունել են Իսրայելի ՊՆ միջազգային ռազմական համագործակցության վարչության պետ Միշել Բեն Բարուխի գլխավորած պատվիրակությանը: Այս մասին հայտնում է Ադրբեջանի ռազմարդյունաբերության նախարարության կայքը:
Կողմերը քննարկել են ռազմարդյունաբերության ոլորտում Ադրբեջանի և Իսրայելի միջև համագործակցության վերաբերյալ հարցեր: Այլ մանրամասներ չեն հաղորդվում: Հանդիպման մասին տեղեկություններ չկան նաև Իսրայելի համապատասխան գերատեսչության կայքում:
Հիշեցնենք, որ Իսրայելի կողմից Ադրբեջանին զենքի վաճառքից զատ կողմերը համագործակցում են նաև ԱԹՍ-ների համատեղ արտադրության շրջանակներում: 2011 թվականից Ադրբեջանում իսրայելական Aerostar և Orbiter անօդաչու սրքերի հավաքմամբ է զբաղվում ադրբեջանա-իսրայելական համատեղ Azad Systems ընկերությունը:
Ինչ վերաբերում է զենքի վաճառքին, ապա, ըստ SIPRI-ի, 2012-2016 ընկած ժամանակահատվածում Ադրբեջանը Իսրայելից գնել է 4,1 մլրդ ԱՄՆ դոլարի սպառազինություն: Այդ ցուցանիշը Իրսայելի ընդհանուր ռազմական արտադրանքի արտահանման 13%-ն է: