«Միջազգային բանակային խաղերի» շրջանակում անցակցվող «Դիպուկահարի սահմանագիծ» մրցույթին ՀՀ ԶՈւ զինծառայողները իրենց հմտություններով կմրցեն 18 երկրի դիպուկահարների հետ, այդ թվում նաև Ռուսաստանի, Ադրբեջանի, Իրանի, Ղազախտսանի, Չինաստանի, Սաուդյան Արաբիայի, Սիրիայի, Հնդկաստանի և Չինաստանի:
Մրցույթն անցկավելու է օգոստոսի 1-ից 9-ը Ղազախստանի տարածքում, երեք փուլով.
- Անհատական ստուգարք
- Զույգերով ստուգարք
- Դիպուկահարային էստաֆետա
Մրցույթին թիմերը մասնակցելու են 7,62 մմ տրամաչափի ՍՎԴ դիպուկահար հրացանով, «Մակարովի ատրճանակով» (ՊՄ), ՌԳԴ-5 նռնակով: Զինատեսակների ընտրությունը պայմանավորված է մասնակից բոլոր երկների սպառազինությունում դրանց առկայությամբ:
19 երկրների թիմերից յուրաքանչյուրը կազմված է 11 մարդուց.
- Թիմի հրամանատար
- Թիմի հրամանատարի տեղակալ
- Մարզիչ
- Դիպուկահարների զույգեր ” 8 մարդ
Լավագույն դիպուկահարը որոշվում է առաջին փուլի ընթացքում գրանցած արդյուքներով: Դիպուկահարների լավագույն զույգը որոշվում է երկրորդ փուլի ընթացքում գրանցած արդյունքներով, իսկ դիպուկահարների լավագույն թիմը՝ երրորդ փուլի արդյունքներով:
«Անհատական ստուգարք». 1-ին փուլ
Առաջին փուլին մասնակից երկրներից յուրաքանչյուրից ներգրավված է 6 դիպուկահար: «Անհատական ստուգարքի» ժամանակ դիպուկահարներից յուրաքանչյուրը կատարում է 5 վարժություն, որոնք են՝ հրաձգություն գիշերով, հարձակման և պաշտպանության ժամանակ և այլն: Վարժություններից մեկը կոչվում է դիպուկահարային բիաթլոն:
Վարժություններից չորսը գնհատավում է ըստ հավաքած առավելագույն միավորների: Սակայն Դիպուկահարային բիաթլոնը գնահատվում է վարժության համար գրանցված ծախսված նվազագույն ժամանակով :
Առաջին փուլում հաղթողը ճանաչվում է գումարային բոլոր վարժություններում զբաղեցված ամենաբարձր արդյունքներով:
«Զույգերով ստուգարք». 2-րդ փոՒլ
Երկրորդ՝ «Զույգերով ստուգարք», փուլի ժամանակ յուրաքանչյուր թիմից ներգրավվում է 3 դիպուկահարային զույգ: Դիպուկահարները կատարում են 4 վարժություն: Դրանք գնահատվում են հավաքած առավելագույն միավորներով:
«Դիպուկահարային էստաֆետա». 3-րդ փուլ
Այս փուլին մասնակցում են լավագույնը ճանաչված 4 երկրների խմբերը, արդյունքում որոշվում է լավագույն պետության ներկայացրած դիպուկահար խումբը: Երրորդ փուլին մասնակցում է դիպուկահարների երեք զույգ՝ էստաֆետայի սկզբունքով:
- Դիպուկահարների առաջին զույգը սկզբում երեք խոչընդոտ է հաղթահարում՝ ճեղքված պատ, ցանկապատ, խրամ և մետաղալարերի ցանցով ստեղծված արհեստական պատնեշ (խոչընդոտների սխեման տես ստորև):
- Խոչընդոտները հաղթահարելուց հետո հասնում են կրակային բնագիծ, ստանում սպառազինություն և զինամթերք, ապա ինքնուրույն լիցքավորում և խոցում թիրախները ՊՄ ատրճանակով, ՍՎԴ հրացանով և ՌԳԴ-5 նռնակներով:
- Հրաձգության ավարտից հետո անցնում են հաջորդ «ճակատ» և հաղթահարում մյուս խոչընդոտները. «շարժվող» պատ, թեք վերելքով սանդուղք, փլվածք:
- Վերջնակետում էստաֆետան ձեռքի հպումով փոխանցում են դիպուհարների հաջորդ զույգին:
- Դիպուկահարների հաջորդ զույգը էստաֆետան ընդունելուց հետո անցնում է նույն տարածությունը և էստաֆետան փոխանցում է 3-րդ զույգին:
- Ժամանակի գրանցումն ավարտվում է երրորդ զույգի կողմից վերջնագիծը հատելուց հետո:
Խոչընդոտները սխեմայով ներկայացված են նկարում։
- Անցք ունեցող պատ
- Ցանկապատ
- Խրամ
- Մետաղալարերի ցանցեր
- ՊՄ հրացանի կրակային բնագիծ
- ՍՎԴ դիպուկահար կրակային բնագիծ
- ՌԳԴ-5 նռնակի նետման բնագիծ
- «Շարժվող» պատ
- Թեք վերելքով սանդուղք
- Փլվածք
- Զինամթերքի փոխանցում
Նշենք, որ ապրիլի վերջին Ռազմինֆոն ներկա էր գտնվել ՀՀ ԶՈւ զինծառայողների՝ մրցույթին նախապատրաստական պարապմունքներին և զրուցել էր ՀՀ ԶՈւ դիպուկահարների դասընթացի ղեկավարի տեղակալի հետ: