Հուլիսի 24-ին և 25-ին ՀՀ ՊՆ Վ. Սարգսյանի անվան ռազմական և Ա. Խանփերյանցի անվան ռազմավիացիոն համալսարանների շրջանավարտները վիճակահանությամբ ընտրել են իրենց ծառայության վայրերը: Միջոցառումը ղեկավարել է հանձնաժողովի նախագահ, ՀՀ պաշտպանության նախարարի տեղակալ Արտակ Դավթյանը: Այս մասին տեղեկացնում է ՀՀ ՊՆ կայքը:
Զորամասի ընտրությունը՝ վիճակահանությամբ
Իրենց ծառայությանը վայրն ընտրել են ինչպես ՌՈՒՀ-երի 4-ամյա ուսուցումն ավարտածները, այնպես էլ քաղաքացիական բուհեր ավարտած և ՀՀ ՊՆ ծրագրով ՌՈւՀ-երում 1-ամյա կրթություն ստացած երիտասարդները:
Շրջանավարտները, ըստ սահմանված կարգի, վիճակահանությամբ ընտրել են այն զորամասերը, ուր կանցկացնեն սպայական ծառայության առաջիկա տարիները: Նրանցից շատերը խնդրել են իրենց ուղարկել մարտական հերթապահությունում ընդգրկված զորամասեր:
Կարճատև արձակուրդից հետո նորընծա սպաները կմեկնեն զինվորական ծառայության՝ համալրելու զինված ուժերի հրամանատարական կազմի շարքերը:
Ռազմավիացիոն համալսարանի շրջանավարտ աղջիկներից մեկը՝ զորամասն ընտրելու միջոցառման ժամանակ
Շատերը խնդրել են իրենց ուղարկել մարտական հերթապահությունում ընդգրկված զորամասեր
One response to “ՀՀ ԶՈւ նորընծա սպաներն ընտրել են իրենց ծառայության զորամասերը”