Ռուսաստանը և Ղազախստանը ստորագրել են համաձայնագիր՝ Ղազախստանի ԶՈւ սպառազինությունում առկա «ՄիԳ» ինքնաթիռների սպասարկման կենտրոն ստեղծելու մասին։ Այս մասին հուլիսի 19-ին տեղեկացնում է ռուսաստանյան «ՌԻԱ նովոստի» լրատվական կայքը։
Սրանով Ռուսաստանը մտադիր է Ղազախստանի ուշադրությունը հրավիրել ու այդ երկրի զինված ուժերին վաճառել ՄիԳ-35 կործանիչներ՝ միաժամանակ այնտեղ կազմակերպելով ինքնաթիռի որոշ հանգույցների արտադրություն։
ՄիԳ-35 կործանիչ
Համաձայնագիրը ստորագրել են «ՄիԳ» ինքնաթիռաշինական կոորպորացիայի գլխավոր տնօրեն Իլյա Տարասենկոն և «Ղազախստան ինժիներինգ» ընկերության ղեկավար տնօրեն Վադիմ Շակշակբաևը։
ՄիԳ-35-ը ստեղծվել է ՄիԳ-29Կ կործանիչների հիման վրա։ Կործանիչի առավելագույն արագությունը 2560կմ/ժ է, թռիչքի բարձրությունը՝ 17500մ։ Կործանիչը փորձարկումներ է անցնում 2017 թվականից, նախատեսվում է շահագործել 2018-ից։
Նշենք, որ ՄիԳ-35 կործանիչներով կարող է համալրվել նաև Հայաստանում տեղակայված ՌԴ ԶՈւ 102-րդ ռազմաբազան։