Հուլիսի 12-ին ամփոփվել են ՊԲ հարավային ուղղությամբ տեղակայված միավորումներից մեկի ընթացիկ ուսումնական տարվա երկրորդ եռամսյակի արդյունքերը: Ամփոփմանը ներկա է եղել նաև ՊԲ հրամանատար, գեներալ-լեյտենանտ Լևոն Մնացականյանը:
Այս մասին հայտնի է դարձել ՊԲ «Գոյամարտ» հաղորդաշարի հուլիսի 15-ի թողարկումից :
Ամփոփվում են ՊԲ հարավային ուղղությամբ տեղակայված միավորումներից մեկի ընթացիկ ուսումնական տարվա երկրորդ եռամսյակի արդյունքերը
Միավորման շտաբի պետը վերլուծել է հաշվետու ժամանակահատվածում միավորման զորամասերում կատարվող աշխատանքները և հայտնել, որ երկրորդ եռամսյակում իրականացվել են մարտական պատրաստության պլանով նախատեսված բոլոր միջոցառումները:
Իսկ միավորման հրամանատարը նշել է հաշվետու ժամանակահատվածում գրանցված բացթողումներն ու թերացումները, դրանք վերացնելու համար տվել է հանձնարարականներ:
ՊԲ հրամանատար, գեներալ-լեյտենանտ Լևոն Մնացականյանը անդրադարձել է վերջին ժամանակահատվածում տարածաշրջանում տիրող իրավիճակին և նշել է, որ անհրաժեշտ է մշտապես ամրապնդել բանակի մարտունակությանը: Այնուհետև նա միավորման հրամանատարությանը տվել է համապատախան ցուցումներ և առաջադրանքներ:
Հանդիպման ընթացքում մի շարք զինծառայողներ պարգևատրվել են պատվոգրերով և դրամական պարգևներով: