Հուլիսի 15-ին Կասպից ծովում Իրանի ռազմածովային ուժերը համատեղ վարժանքներ են անցկացրել բարեկամական այցով Իրան ժամանած ՌԴ ԶՈւ «Մախաչկալա» փոքր հրետանային նավի անձնակազմի հետ։ Այս մասին տեղկացնում է իրանական «Թասնիմ» լրատվական գործակալությունը։
Վարժանքներին իրանական կողմից ներգրավվել են «Փեյքան» դասի նավեր։
Ռուսական ռազմանավը Իրանի Բանդար է Էնզելի նավահանգստում
Ռուսական նավախումբը բարեկամական այցով Իրան էր մեկնել հուլիսի 12-ին։ Իրանում նավը մնալու էր մինչև հուլիսի 15-ը։
Սա Ռուսաստանի զինված ուժերի նավերի վեցերորդ այցն է Իրան: Նախորդ այցը 2016-ի նոյեմբերին էր։ Ռուսաական նավախմբերի այց Իրան եղել էր նաև հոկտեմբերին , երբ Իրան էին ժամանել Ռուսաստանի ՌԾՈւ Կասպյան նավատորմի «Թաթարստան» հրթիռային և «Գրադ սվիյաժսկ» փոքր հրթիռային ռազմանավերը:
Մինչ այդ այցեր եղել են 2007-ին, 2014-ին և 2015-ին: Այդ այցերից երկուսի ընթացքում ՌԴ ռազմանավերը նաև զորավարժություններ են անցկացրել Իրանի ռազմածովային ուժերի հետ:
Ավելի վաղ իրանական «Դամավանդ» էսկադրային ականակիր նավը և «Դերաֆշ» հրթիռային նավը Կասպից ծովի իրանական նավահանգստից բարեկամական այցով ուղևորվել Էին Կասպից ծովի ռուսաստանյան ափ՝ Դաղստան։
Նմանատիպ այցով Իրանի ՌԾՈւ նավերը 2013-ին և 2015-ի հոկտեմբերին նույնպես ժամանել են Կասպից ծովի ռուսաստանյան ափ և ՌԴ ռազմածովային ուժերի հետ համատեղ իրականացրել զորավարժություններ: