ՌԴ ԶՈւ հարավային ռազմական շրջանի (ՀՌՇ)՝ Չեչնիայում տեղակայված 42-րդ մոտոհրաձգային դիվիզիայի պլանային ստուգումների շրջանակներում դիվիզիայի տանկիստները Ռոստովի շրջանի «Կուզմինսկիի» զորավարժարանում Տ-72Բ3 տանկերով ստուգողական կրակ են վարել։ Այս մասին տեղեկացնում է ՌԴ ՊՆ կայքը։
Վարժանքներին ներգրավվել է ավելի քան 150 զինծառայող, 30 միավոր զինտեխնիկա։
Եռօրյա վարժանքների ընթացքում զինծառայողները 300-2000 մ հեռավարությունից խոցելու են պայմանական հակառակորդի տանկը, հրետանային սպառազինությունը։
Վարժանքների ավարտին ստորաբաժանումներին գնահատելիս հաշվի են առնվելու սպայական կազմի պատրաստվածության աստիճանը, զինծառայողների ֆիզիկական պատրաստվածության աստիճանը, անձնակազմերի կարգավորվածությունը, գիշերային և ցերեկային ժամերին մարտական կրակով ուսումնամարտական առաջադրանքներ կատարելու ունակությունները։
Հուլիսի 5-ից ՌԴ ԶՈւ հարավային ռազմական շրջանի (ՀՌՇ)՝ Չեչնիայում տեղակայված 42-րդ մոտոհրաձգային դիվիզիայի շուրջ 1000 զինծառայող տագնապով ոտքի է հանվել ՀՌՇ պլանային ստուգումների շրջանակներում։
Զինծառայողները մարտական կրակ կվարեն Տ-72Բ3 տանկերով, ԲՄՊ-2 հետևակի մարտական մեքենաներով, ԲՄ-21 «Գռադ» համազարկային կրակի ռեակտիվ կայաններով։
Վարժանքներին հատկապես ուշադրություն է դարձվելու ստորաբաժանումների ներդաշնակման բարելավմանը, մարտի դաշտում ճիշտ գործելու, մարտական մեքենաները քողարկելու, արգելապատնեշներ հաղթահարելու հմտությունների յուրացմանը։