Այսօր ռուսական կողմը, անդրադառնալով Ղազախստանի Ազգային տիեզերական գործակալության ղեկավար Թալգատ Մուսաբաևի կատարած հայտարարությանն այն մասին, թե Ղազախստանը մտադիր է դադարեցնել Ռուսաստանի կողմից Բայկանուր քաղաքի և տիեզերակայանի վարձակալման պայմանագիրը, հայտարարել է, որ դա Մուսաբաևի անձնական մեկնաբանությունն է վերջին ամիսներին երկու երկրների ղեկավարության մակարդակով ընթացող բանակցությունների վերաբերյալ։
Այդ մասին հայտնել է ռուս-ղազախական միջկառավարական հանձնաժողովին մոտ կանգնած աղբյուրը։ Վերջինիս խոսքով՝ կողմերը իսկապես բանակցություններ են վարում, սակայն որևէ հստակ պայմանավորվածություն չկա։
Ռուսաստանի Դաշնային տիեզերական գործակալությունը Մուսաբաևի հայտարարությունը պաշտոնապես չի մեկնաբանել։
Աղբյուր. Взгляд