Հունիսի 30-ին Ադրբեջանի ԶՈւ Նախիջևանի առանձին համազորային բանակում անցկացվել է հակաօդային պաշտպանության ուժերի զորավարժության մարտական կրակով փուլը: Զորավարժությանը ներգրավվել են նաև օժանդակ մոտոհրաձգային ստորաբաժանումներ: Այս մասին հայտնել է Նախիջևանի հեռուստաընկերության կայքը:
Զորավարժության ընթացքում իրականացվել են «պայմանական թշնամու գրոհը հետ մղելու» մարզումներ: Այնուհետև վարժանքներին ներգրավված ՀՕՊ ստորաբաժանումները «ապահովել են ռազմական շարասյան առաջխաղացման անվտանգությունը»:
Զորավարժության ընթացքում կիրառվել են՝
- Ս-125 2ՏՄ «Պեչորա» զենիթահրթիռային համալիր (ԶՀՀ). (Ս-125 ԶՀՀ-ների բելառուսական արդիականացում),
- «ՕՍԱ» զենիթահրթիռային համալիր,
- «Ստրելա-3» դյուրակիր զենիթահրթիռային համալիրներ,
- ՄՏԼԲ զրահապատ քարշակի վրա տեղադրված ԶՈւ-23-2 զենիթահրթիռային համալիրներ,
- 120 մմ տրամաչափի ականանետներ:
1. Ս-125 «Պեչորա 2ՏՄ». մարտավարատեխնիկական բնութագրեր.
Ս-125 ԶՀՀ-ները 2ՏՄ մակարդակի արդիականացնելու աշխատանքները Բելառուսական «Տետրաէդր» ընկերությունը սկսել է 2006 թ.: 2008 թ. բելառուսական ընկերությունը Ադրբեջանի կետ կնքել է 28 միավոր Ս-125 արդիականացնելու առաջին պայմանագիր:
- Խոցման բարձրությունը – 0,2 – 25 կմ
- Խոցման առավելագույն արագությունը – 900 մ/վրկ
- Թիրախի հայտնաբերման առավելագույն հեռ. – 100 կմ
2. «ՕՍԱ» զենիթահրթիռային համալիր՝
- Հրթիռների քանակը՝ 6 ,
- Հեռահարությունը՝ տարբեր (ըստ հրթիռների):
2. «Ստրելա-3» դյուրակիր զենիթահրթիռային համալիրներ.
2008 թ. ՄԱԿ-ի սովորական սպառազինությունների ռեգիստրին Ուկրաինայի տրամադրած զեկույցի համաձայն՝ նույն թվականին ուկրաինական կողմն Ադրբեջանին մատակարարել է 10 միավոր 9P58M Strela-3 արձակման կայան և 18 միավոր 9M36-1 Strela-3 հրթիռ:
- Հրթիռի տրամաչափը — 72 մմ,
- Խոցման հեռահարությունը — 500 – 4500 մ,
- Խոցման բարձրությունը — 15 – 3000 մ,
- Խոցման ենթակա թիրախների արագությունը — 260/310 մ/վյրկ,
- Համալիրի հրթիռի արագությունը – 400 մ/վյրկ,
- Մարտագլխիկի զանգվածը — 1,17 կգ:
3. ՄՏԼԲ քարշակի վրա դրված ԶՈւ-23-2 քարշակվող զենիթային հրանոթներ
- Սպառազինությունը՝ 23 մմ տրամաչափի զույգ հրանոթ,
- Պաշտպանվածությունը՝ հրազենից և բեկորներից: