Ռուսաստանյան ընկերությունը ներկայացրել է հարվածային ունակություններով անօդաչու ուղղաթիռ

Սանկտ Պետերբուրգում անցկացվող ռազմածովային տեխնիկայի ցուցադրությանը ներկայացվել է ռուսաստանյան արտադրության БПВ-500 անօդաչու ուղղաթիռը, որը հետախուզական գործողություններից զատ կարող է օգտագործվել նաև որպես հարվածային միջոց:

БПВ-500 սարքն աշխատում է ներքին այրման դիզելային շարժիչով, իսկ սարքավորումների սնուցումը կատարվում է մարտկոցների միջոցով: Անօդաչու ուղղաթիռի գործողության շառավիղը շուրջ 500 կմ է, թռիչքի առաստաղը՝ շուրջ 4 կմ:

БПВ-500 անօդաչու ուղղաթիռ

БПВ-500 անօդաչու ուղղաթիռ

Սարքը կշռում է շուրջ կես տոննա, իսկ օգտակար բեռնատարողությունը 150-180 կիլոգրամ է: Օգտակար բեռնատարողության հաշվին սարքի վրա կարող են տեղադրվել ինչպես ռադարներ, ռադիոէլեկտորնային այլ սարքեր, այնպես էլ մինչև 180 կգ կշռող հարվածային սպառազինություն: Այս մասին նշել է անօդաչու ուղղաթիռը արտադրող ռուսաստանյան «Ռադար-ՄՄՍ» ընկերության գործադիր տնօրեն Իվան Անցևը:

Հայաստանում ևս աշխատանքներ են տարվում փոքր անօդաչու ուղղաթիռների մշակման ուղղությամբ: ArmHiTec-2016 ցուցահանդեսին առաջին անգամ ներկայացվել է ուղղաթիռային տիպի ՈւՀ-01 հայկական անօդաչու թռչող սարքը:

ՈւՀ-01 ուղղաթիռային տիպի հայկական անօդաչու թռչող սարք

ՈւՀ-01 ուղղաթիռային տիպի հայկական անօդաչու թռչող սարք

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *