ԱՄՆ White Sands Missile Range զորավարժարանում անկացվել է լազերով զինված Apache AH-64 հարվածային ուղղաթիռից թիրախի ուղղությամբ լազերային կրակի փորձարկում: Այս մասին հայտնում են ամերիկյան ռազմարդյունաբերական Raytheon ընկերությունից:
Սա առաջին դեպքն է, որ ուղղաթիռի վրա տեղադրված լազերային համակարգից թռիչքի տարբեր ռեժիմներում, բարձրություններում և արագություններում հաջողությամբ խոցվել է թիրախը՝ հավաստելով Apache ուղղաթիռից լազերային կրակի իրագործելիությունը:
Նշվում է, որ անշարժ թիրախը լազերային էներգիայով խոցվել է շուրջ 1,4 կմ հեռավորությունից:
Նշենք, որ նույն զորավարժարանում նման փորձարկումներ անցացվել են նաև ավելի վաղ, սակայն, ցամաքային միջոցների վրա տեղադրված լազերային համակարգերով:
Նման համակարգեր նախկինում փորձարկվել են նաև ԱՄՆ նավատորմի նավերի վրայից: Ստորև տեսանյութում հենց նման փորձարկումներից մեկն է ներկայացված: