Դեկտեմբերի 8-ին Հոլանդիայի վարչապետ Մարկ Ռութեն հայտարարել է, որ Հոլանդիայի կառավարությունը վերջապես որոշում է կայացրել Թուրքիային երկու «Փեթրիոտ» հրթիռային համակարգ տրամադրել, հաղորդում է Ռոյթերս գործակալությունը:
Հոլանդիայի խորհրդարանը դեռ պետք է հաստատի կառավարության որոշումը, բայց քանի որ վարչապետի կուսակցությունը խորհրդարանում մեծամասնություն է կազմում, ակնկալվում է, որ դա կարվի առանց ձգձգելու:
«Փեթրիոտ» համակարգերը սպասարկելու համար Հոլանդիան նախատեսում է 360 զինծառայող ուղարկել Թուրքիա:
Հոլանդական կառավարության հայտարարության մեջ ասվում է. «Հոլանդական «Փեթրիոտների» տեղակայման նպատակը ՆԱՏՕ դաշնակից [sic!] Թուրքիայի բնակչության և տարածքի պաշտպանությունն է և դաշինքի հարավային սահմանի լարված ճգնաժամային իրավիճակի նվազեցում»:
Հիշեցնենք, որ Գերմանիայի կառավարությունը նույնպես հայտնել էր Թուրքիա երկու «Փեթրիոտ» համակարգեր և դրանց սպասարկող մոտ 400 զինծառայող ուղարկելու մասին: Գերմանիայի կառավարության որոշումը դեռ պետք է վավերացվի երկրի խորհրդարանում, ինչը նախատեսվում է անել մյուս շաբաթվա ընթացքում:
Միացյալ Նահանգները նույնպես հայտարարել են, որ պատրաստ են Թուրքիային «Փեթրիոտ» համակարգեր տրամադրել: Ըստ ամերիկյան աղբյուրների՝ խոսքը նույնպես երկու համակարգի մասին է: Վերջնական որոշում սակայն դեռ չի կայացվել և համակարգերի քանակը հնարավոր է ավելանա:
Սիրիան, Իրանը և Ռոսաստանը քննադատել են ՆԱՏՕ այս քայլերը՝ նշելով, որ համակարգերի տեղադրումը ավելի անկայուն կդարձնի տարածաշրջանը:
Թուրքիայում «Փեթրիոտնեիր» տեղակայման վայրը դեռ չի որոշվել:
Սկզբնաղբյուր. Reuters