Ադրբեջանում անցկացվել է զորավարժության մարտական կրակով փուլը. Ֆոտո

Հունիսի 22-ին Ադրբեջանի ՊՆ-ն հայտնել է հունիսի 19-ից մեկնարկած զորավարժության մարտական կրակով փուլի անցկացման մասին: Վարժանքներին ներգրավվել է հրետանի, հրթիռային տեխնիկա, ավիացիա, ՀՕՊ ստորաբաժանումներ:

Դատելով հրապարակված լուսանկարներից՝ վարժանքների այս փուլն անցկացվել է Ադրբեջանի ԶՈւ 2-րդ բանակային կորպուսի (շտաբը՝ Բեյլագան) տարածքում: Նկարներից մեկում ցուցադրվում է անօդաչու թռչող սարքի առաջնամաս, որը հիշեցնում է օրերս Նախիջևանում անցկացված զորավարժության ընթացքում ցուցադրված իսրայելական արտադրության Orbiter-3 հետախուզական ԱԹՍ-ն:

Դատելով հրապարակաված լուսանկարներից՝ զորավարժության այս փուլին ներգրավված զինտեխնիկայի թվում են՝

Տ-72Ա տանկեր՝ առանց դինամիկ զրահի.

• Հրանոթի տրամաչափը՝ 125 մմ,
• Մարտական լրակազմը՝ մինչև 39 արկ,
• Կրակի տեմպը՝ րոպեում մինչև 8 կրակոց:

Ադրբեջանի ԶՈւ Տ-72Ա տանկեր

Մի-35Մ հարվածային ուղղաթիռներ.

• Անձնակազմը՝ 2 հոգի
• Օգտակար բեռնատարողությունը՝ 8 հոգի կամ 1500 բեռ,
• Արտաքին կախոց՝ ևս 2400 կգ բեռ (սպառազինություն),
• Սպառազինությունը՝
  • ԳՇ-23Լ ավիացիոն հրանոթ՝ 23 մմ,
  • Ս-8 տեսակի չկառավարվող ավիացիոն հրթիռ՝ 80 մմ,
  • Ս-13 չկառավարվող ավիացիոն հրթիռ՝ 122 մմ,
  • «Շտուրմ» և «Ատակա» տեսակի կառավարվող հրթիռներ՝ 130 մմ, 8 միավոր:
• Թռիչքի առաստաղը՝ 5100 մ,
• Իրանի երկարությունը՝ 17.49 մ,
• Առավելագույն թռիչքային զանգվածը՝ 11 500 կգ,
• Առավելագույն արագությունը՝ 300 կմ/ժ:

Ադրբեջանի ԶՈւ Մի-35Մ հարվածային ուղղաթիռներ

Մի-35Մ-ը Մի-24Վ հարվածային ուղղաթիռի արդիականացված տարբերակն է:

«Գրադ» համազարկային կրակի ռեակտիվ համակարգեր.

Զորավարժությանը ներգրավված է համակարգերի արդիականացված տարբերակ՝ 40-ի փոխարեն 30 ուղղորդիչով: իր մարտավատեխնիկական բնութագրերով գրեթե նույնն է, ինչ 40 ուղղորդիչով «Գրադները».

Ադրբեջանի ԶՈւ 30 ուղղորդիչով «Գրադ» ՀԿՌՀ

Դ-30 հաուբիցներ

• հրանոթի տրամաչափը՝ 122 մմ,
• հեռահարությունը՝ 15-22 կմ
• կրակի տեմպը՝ րոպեում 7-8 կրակոց:

Ադրբեջանի ԶՈւ Դ-30 հաուբիցներ

ՄՏԼԲ զրահապատ փոխադրիչ-քարշակներ

• անձնակազմը՝ 1 զինծառայող,
• դեսանտ՝ մինչև 6 զինծառայող,
• պաշտպանվածությունը՝ հրազենից և բեկորներից:

Ադրբեջանի ԶՈւ ՄՏԼԲու զրահապատ փոխադրիչ-քարշակներ

«Սենդքեթ» զրահամեքենա

• անձնակազմը՝ 4-8 զինծառայող,
• ընթացամասը՝ 4×4

Ադրբեջանի ԶՈւ SandCat զրահամեքենա