ՀՀ ՊՆ պատվիրակները Բելառուսի ՊՆ-ում հանդիպումների կմասնակցեն

Հունիսի 21-ից 23-ը ՀՀ ՊՆ կապիտալ շինարարության և զորքերի բնակավորման վարչության պետի գլխավորած աշխատանքային խումբը Մինսկում կմասնակցի Հայաստանի և Բելառուսի ՊՆ-ների երկկողմ համագործակցության ծրագրով նախատեսված աշխատանքային հանդիպմանը: Այս մասին հայտնում է ՀՀ ՊՆ կայքը:

Հանդիպման ընթացքում կքննարկվեն կապիտալ շինարարության պլանավորման, կազմակերպման և իրականացման գործընթացները, զորքերի բնակավորման սկզբունքները, զորանոցային բնակելի ֆոնդերի գրանցման ու շենք-շինությունների հաշվառման կարգը, երկկողմ համագործակցության ծրագրով նախատեսված այլ հարցեր:

ՀՀ ՊՆ իրավաբանական վարչության պետի գլխավորած աշխատանքային խումբն իր հերթին հունիսի 20-ից 22-ը Բելառուսում մասնակցում է զինված ուժերի գործունեության իրավական ապահովման հարցերով աշխատանքային հանդիպմանը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *