Հունիսի 14-ին բարեկամական այցով Իրանի հարավային Բանդարաբաս նավահանգիստ է ժամանալ Չինաստանի ՌԾՈւ նավախումբը՝ կազմված «Չանգ չունգ» ականակիր նավից, «Չաո հու» թիկունքային ապահովման նավից և «Ջին Ժու» ռազմանավից: Նավերին ուղեկցում է նաև մեկ ուղղաթիռ։ Այս մասին հայտնում է իրանական «Թասնիմ» լրատվական գործակալությունը։
Քառօրյա այցի ավարտին երկու երկրների ռազմածովային ուժերը կանցկացնեն համատեղ զորավարժություն։
Չինական նավախումբը Իրանի Բանդարաբաս նավահանգստում, 2013թ. սեպտեմբեր
Չինական ռազմանավերը բարեկամական այցով Իրան ժամանել են նաև 2014-ի սեպտեմբերին, իսկ մինչ այդ՝2013-ի փետրվարին, Չինաստան էր այցելել Իրանի ՌԾՈւ 24-րդ նավախումբը։
Բարեկամական այցով Իրան ռազմանավեր են եկել նաև Իտալիայից, Ռուսաստանից, Ադրբեջանից, Հնդկաստանից, Պակիստանից և այլ երկրներից։