ՀՀ ԶՈւ խաղաղապահների հերթական զորախումբը մեկնել է Լիբանան, որտեղ առաջիկա վեց ամիսների ընթացքում Իտալիայի զորախմբի կազմում մասնակցելու է ՄԱԿ-ի UNIFIL (The United Nations Interim Force in Lebanon) խաղաղապահ առաքելությանը:
ՀՀ ԶՈւ խաղաղապահների ստորաբաժանումը պահպանելու է ՄԱԿ-ի Շամա զինավանի անվտանգությունը: Այս մասին հայտնի է դարձել ՀՀ ՊՆ «Զինուժ» հաղորդաշարի հունիսի 3-ի թողարկումից:
ՀՀ ԶՈւ խաղաղապահների հերթական խմբաքանակը մեկնում է Լիբանան
Ներկայում Լիբանանում ծառայություն է իրականացնում ՀՀ ԶՈւ խաղաղապահ ստորաբաժանումների 32 զինծառայող: Հայաստանն այս խաղաղապահ ծրագրին միացել է 2014-ի նոյեմբերին:
Լիբանանում ՄԱԿ-ի ժամանակավոր ուժերը (UNIFIL – United Nations Interim Force in Lebanon) գործում են 1978-ից, ՄԱԿ ԱԽ-ն պարբերաբար երկարացնում է դրանց տեղակայման ժամկետը: