Երեկ՝ հունիսի 5-ին, սիրիայի մայրաքաղաք Դամասկոսից շուրջ 50-60 կմ հեռավորության վրա խոցվել է Սիրիայի կառավարական ուժերին պատկանող ՄիԳ-21 կործանիչ: Օդաչուն մահացել է, ամենայն հավանականությամբ, կատապուլտով կոշտ կամ սխալ վայրէջք կատարելու համար:
Համացանցում հայտնվել է տեսանյութ, որտեղ ցուցադրվում են կործանված ինքնաթիռի բեկորները:
S. #Syria: footage from crash site (Dakwa area, SE. #Damascus) of #SyAF Mig-23 downed today by #FSA. Pilot KIA. https://t.co/D921p5xsQK pic.twitter.com/HAiDtUxQJh
— Qalaat Al Mudiq (@QalaatAlMudiq) June 5, 2017
Նախնական տվյալներով՝ ինքնաթիռը խոցել են «Ջեյշ Ուլսուդ ալ-Շարկիյա» ընդդիմադիր-զինյալ խմբավորման անդամները, ովքեր հայտնել են, որ կիրառել են ԱՄՆ-ից ստացած զենիթային հրանոթներ:
Սիրիան դեռևս պաշտոնապես չի մեկնաբանել միջադեպը: Սիրիայի կառավարական բանակը ներկայում լայնածավալ գործողություններ է իրականացնում արևելքում՝ Հալեպից հարավ-արևելք ընկած «Իսլամական պետության» վերահսկողության տակ գտնվող տարածքներում:
Սիրիայում կործանված ՄիԳ-21-ի բեկորները