Ընթացիկ տարում Իրանի ՌԾՈւ-ն 25 զորավարժություն կանցկացնի

Իրանի բանակի ռազմածովային ուժերը ընթացիկ տարում (իրանական օրացույցով 2017թ. մարտի 21-ից 2018թ. մարտի 21-ը) կանցկանեն 25 զորավարժություն, որոնք կեզրափակվեն «Վելայեթ-96» խոշարամասշտաբ զորավարժությամբ։ Այս մասին հայտարարել է Իրանի բանակի ՌԾՈւ հրամանատար, դերծովակալ Հաբիբոլահ Սայարին։  Հունիսի 1-ին իրանական ծովակալի հայտարարությունը փոխանցել է իրանական Defapress լրատվակայքը։

2016թ. նույնպես Իրանի ՌԾՈւ-ն անցկացրել է 20-ից ավելի զորավարժություն։

Իրանի ՌԾՈւ-ն զորավարժություն է անցկացնում ջրային տարածքներում

Իրանի ՌԾՈւ-ն զորավարժություն է անցկացնում ջրային տարածքներում (արխիվ)

2017-ի փետրվարին Իրանի ռազմածովային ուժերը անցկացրին «Վելայեթ-95» զորավարժությունը։ Զորավարժությունն ընդգրկել է  2 մլն քառակուսի կիլոմետր տարածք՝ Հորմուզի նեղուցից մինչև Օմանի ծոց և Բաբ էլ Մանդեբի նեղուց։ Զորավարժությանը փորձարկվել էին տեղական արտադրության հրթիռներ։

2016-ին Իրանի ՌԾՈւ-ն անցկացրել է նաև զորավարժություններ Իտալիայի, Պակիստանի ռազմածովային ուժերի հետ։

Իրանական ռազմանավերը  բարեկամական այցելություններով մեկնել են նաև  Ադրբեջանի, Ռուսաստանի, Հնդկաստանի, Պակիստանի, Ղազախստանի նավահանգիստներ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *