Մի շարք փորձարկումներ անցկացնելու հետո Իրանը «Շահեր» դիպուկահար հրացանի զանգվածային արտադրություն է սկսել։ Այս մասին հայտարարել է Իրանի բանակի բրիգադային գեներալ Մասուդ Զավարին։ Մայիսի 28-ին փոխանցում է իրանական «ԻՌՆԱ » լրատվական գործակալությունը։
14,5 մմ տրամաչափի «Շահեր» դիպուկահար հրացանն Իրանն առաջին անգամ ներակայացրել էր 2012-ին, իսկ 2014-ին ներկայացվել է հրացանի արդիականացված՝ «Պիկատինիի շերտաձողով» համալրված տարբերակը:
Իրանական արտադրության «Շահեր» դիպուկահար հրացան
Ավելի վաղ Իրանի բանակի ցամաքային զորքերի հրամանատար Քիոմարս Հեյդարին հայտարարել էր, որ Իրանում արդեն տեղական դիպուկահար հրացանների զանգվածային արտադրություն են կազմակերպել, և հրացաններն արդեն արտահանվել են այլ երկրներ:
Հայդարին մասնավորապես նշել է, որ նախկինում իրենց արտադրած «Շահեր» և «Բահեր» դիպուկահար հրացանների ծրագիրը հաջողվել է, իսկ ներկայումս հրացանները զանգվածային արտադրության են դրվել և արտահանվել են այլ երկրներ: