Ռուսաստանը և Ուզբեկստանը վավերացրել են երկկողմ ռազմատեխնիկական համագործակցության համաձայնագիրը, իսկ երկրների պաշտպանության նախարարները փոխանակվել են վավերացման փաստաթղթերով: Այս մասին հայտնում է Ռուսաստանի ՊՆ կայքը:
Պայմանագիրը ստորագրվել էր դեռևս նախորդ տարվա նոյեմբերին Մոսկվայում: Կետերից մեկով համաձայնագրի կողմերը պարտավոր են մյուս կողմին սպառազինությունը վաճառել իրենց ներքին գներով:
Մյուս կետերը վերաբերում են կողմերի ռազմատեխնիկական համագործակցության, մասնավորապես զենքի գնման, համատեղ արտադրության, երրորդ կողմերի չփոխանցման և այլ պայմանավորվածություններ:
Ռուսաստանը պայմանագիրը վավերացրել էր այս տարվա ապրիլի 17-ին, իսկ Ուզբեկստանը՝ մարտին:
Այս տարվա ապրիլին Ռուսաստանը նմանատիպ պայմանագիր էր ստորագրել նաև Տաջիկստանի հետ:
Նման բովանդակությամբ գործող համաձայնագրեր Ռուսաստանը ունի նաև Հայաստանի, Բելառուսի ու Ղազախստանի հետ: