Մայիսի 24-ին Ղրիմում մեկնարկել է Ռուսաստանի Անվտանգության դաշնային ծառայության (ФСБ) հատուկ նշանակության ուժերի զորավարժության առաջին փուլը։ Այս մասին հայտնում է ռուսաստանյան «ՌԻԱ նովոստի» լրատվական գործակալությունը։
Զորավարժությունը տևելու է 5 օր և անցկացվելու է Ուկրաինայի սահմանից ոչ հեռու։
Ռուսաստանի Անվտանգության դաշնային ծառայության զինծառայողներ
Զորավարժությանը խաղարկվելու են պայմանական հակառակորդի «Ղրիմ-2» նավթի հորատանցք-կայանի և «Ֆյոդոր Ուրյուպին» նավի գրավման, պայմանական հակառակորդի չեզոքացման և «150 գերիների» ազատման գործողություններ։
Զորավարժությանը ներգրավված է շուրջ 2000 զինծառայող, մարտական լողորդներ, պարաշյուտիստներ և դեսանտային կատերներ։
Հիշեցնենք, որ օրերս Ղրիմում հայտնվեցին «Ֆալկատուս» զրահամեքենաներ։ 5 մեքենաներից բաղկացած շարասյունը նկատվել էր Սևաստոպոլում։ Այս զրահամեքենաները արտադրվում են 2014 թվականից՝ Ռուսաստանի Անվտանգության դաշնային ծառայության հատուկ նշանակության ուժերի կարիքները հոգալու համար։
Ռուսաստանի Անվտանգության դաշնային ծառայության հատուկ նշանակության կենտրոնի «Ֆալկատուս» զրահամեքենաները Սևաստոպոլում