Իրանի բանակի ցամաքային զորքերի ավիացիան համալրվել է 3 միավոր վերանորոգված Boeing CH-47 Chinook, 5 միավոր Bell-214, 1 միավոր Bell-206, 1 միավոր Bell-205, 2 միավոր Bell-AH-1 Cobra դասի ուղղաթիռներով։ Այս մասին մայիսի 22-ին տեղեկացնում է իրանական «Թասնիմ» լրատվական գործակալությունը։
Մինչ նորոգումը ուղղաթիռները չեն շահագործվել 5-7 տարի։
2016 թվականի տվյալներով՝ Իրանի զինված ուժերում առկա է 20 միավոր Boeing CH-47 Chinook, 10 միավոր Bell-206, 50 միավոր Bell-214 , 68 միավոր Bell-205A , 50 միավոր Bell-AH-1 Cobra ուղղաթիռներ։
Հիշեցնենք, որ ավելի վաղ Իրանը ներկայացրել էր տեղական արտադրության «Սաբա-248» ուղղաթիռը, որը կարող է օգտագործվել հետախուզական, որոնողա-փրկարարական աշխատանքների իրականացման համար։
Իսկ մինչ այդ բանակի ռազմածովային ուժերը համալրվել էին 3 միավոր վերանորոգված Sikorsky SH-3 ուղղաթիռներով։