Հայաստանի և Հնդկաստանի ՊՆ-ները պայմանավորվել են տարբեր ոլորտներում համագործակցության շուրջ

Մայիսի 16-ից 20-ը աշխատանքային այցով Հնդկաստանում գտնվող ՀՀ ՊՆ պաշտպանական քաղաքականության վարչության պետ Լևոն Այվազյանի գլխավորությամբ պատվիրակությունը պայմանավարվածություններ է ձեռք բերել ռազմական կրթությանը և ռազմատեխնիկական ոլորտում համագործակցելու ուղղությամբ։Այս մասին հայտնում է ՀՀ ՊՆ կայքը։

ՀՀ ՊՆ պաշտպանական քաղաքականության վարչության պետը ընդունել է Հնդկաստանի դեսպանին:

ՀՀ ՊՆ պաշտպանական քաղաքականության վարչության պետը ընդունել է Հնդկաստանի դեսպանին (արխիվ)

Մայիսի 16-ին տեղի են ունեցել երկկողմ պաշտպանական խորհրդակցություններ պատվիրակությունների ընդլայնված կազմով։ Հնդկական կողմից պատվիրակությունը ղեկավարել է Հնդկաստանի ՊՆ պլանավորման և միջազգային համագործակցության գծով քարտուղար Շամբհու Կումառանը։

ՀՀ պաշտպանության նախարարության պատվիրակությունը Հնդկաստան էր այցելել՝ Հայաստանի և Հնդկաստանի միջև պաշտպանական ոլորտում համագործակցության հնարավորություններն ուսումնասիրելու և պայմանավորվածություններ ձեռք բերելու համար։

Բանակցությունների արդյունքում պայմանավորվածություններ են ձեռք բերվել նաև  խաղաղապահության, լեռնային պատրաստության, տարբեր զորավարժությունների և վարժանքների ոլորտներում համագործակցությունը զարգացնելու,  իրավապայմանագրային դաշտն ամրապնդելու, երկկողմ պաշտպանական խորհրդակցությունների ձևաչափը շարունակելու և ՄԱԿ-ի շրջանակներում շփումներն ակտիվացնելու ուղղությամբ։

Այցի ընթացքում ՀՀ ՊՆ պատվիրակությունն այցելել է նաև Հնդկաստանի տարբեր քաղաքներում տեղակայված զինվորական ստորաբաժանումներ և ռազմարդյունաբերական ձեռնարկություններ, ծանոթացել Հնդկաստանի ռազմարդյունաբերական համալիրի արտադրանքին, քննարկել այս ուղղությամբ համագործակցությունը զարգացնելու փոխշահավետ տարբերակներ։

Անդրադառնալով տարածաշրջանային և միջազգային անվտանգության խնդիրներին, հայկական և հնդկական պատվիրակությունները վերահաստատել են դրանց վերաբերյալ երկու պետությունների ընդհանուր մոտեցումները և միջազգային կառույցներում համագործակցելու պատրաստակամությունը։

Ավելի վաղ՝ 2017-ի փետրվարին  Լևոն Այվազյանը Հայաստանում ընդունել էր ՀՀ-ում Հնդկաստանի արտակարգ և լիազոր դեսպան Սանգվան Յոգեշվարին: Քննարկվել էին պաշտպանական բնագավառում Հայաստանի և Հնդկաստանի միջև համագործակցության զարգացման հեռանկարները: 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *