Մայիսի 15-ին և լույս 16-ի գիշերը ՊԲ արևելյան ուղղությամբ հակառակորդը կիրառել է Spike տիպի կառավարվող հրթիռ, ինչի արդյունքում մասնակի վնասվել է մեկ ռազմական տեխնիկա: Ադրբեջանական զինուժի սադրանքի արդյունքում պաշտպանության բանակը մարդկային կորուստ չի ունեցել: Այս մասին հայտնում է ՊԲ կայքը:
Ադրբեջանական զինուժի կրակոցները մայիսի 15 լույս 16-ի գիշերը
Նույն ժամանակահատվածում Արցախի շփման գծում հակառակորդը տարբեր տրամաչափի հրաձգային զինատեսակներով հրադադարի պահպանման ռեժիմը խախտել է շուրջ 55 անգամ՝ հայ դիրքապահների ուղղությամբ արձակելով ավելի քան 1200 կրակոց:
Բացի հրաձգային զինատեսակներից ադրբեջանական զինուժը շփման գծի տարբեր հատվածներում կիրառել է նաև 60 մմ ականանետ (3 արկ) և հաստոցավոր հակատանկային նռնականետ (9 արկ):
ՊԲ առաջապահ զորամասերը ադրբեջանական զինուժի նախահարձակ ակտիվությունը ճնշելու համար դիմել են պատասխան գործողությունների: