[Լրացված] Մայիսի 14-ին հայտնաբերվել է ՊՆ ժամկետային զինծառայողի մարմին

Մայիսի 14-ին՝ ժամը 15:15-ի սահմաններում, ՀՀ ՊՆ զորամասերից մեկի պահպանության տեղամասի մարտական դիրքում հայտնաբերվել է պարտադիր ժամկետային զինծառայող, կրտսեր սերժանտ Արշակ Վահագնի Արշակյանի մարմինը՝ կզակի շրջանում հրազենային մարմնական վնասվածքով: Այս մասին հայտնում է ՀՀ քննչական կոմիտեի ֆեյսբուքյան էջը։

ՀՀ քննչական կոմիտեի 9-րդ կայազորային քննչական բաժնում Ա.Արշակյանի մահվան հանգամանքները պարզելու նպատակով կատարվում է քննություն։

Քննության արդյունքների մասին լրացուցիչ տեղեկություններ կհաղորդվեն։

[Լրացում] Մայիսի 16-ին ՀՀ Քննչական կոմիտեի կայքը հայտնում է, որ զինվորական քննչական գլխավոր վարչության 9-րդ կայազորային քննչական բաժնում քննություն է տարվում՝ պարզելու կրտսեր սերժանտ Արշակ Վահագնի Արշակյանի մահվան հանգամանքները:

Հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով (ինքնասպանության հասցնելը):

Ձեռնարկվում են քննչական գործողություններ քրեական գործով ստացված նախնական տվյալներն ստուգելու ուղղությամբ,նշանակվել են դատաբժշկական, դատակենսաբանական,դատահետքաբանական և դատաձգաբանական փորձաքննություններ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *