ՆԱՏՕ-ն անմիջականորեն չի մասնակցելու Սիրիայում և Իրաքում «Իսլամական պետություն» ահաբեկչական խմբավորման դեմ մարտական գործողություններին։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը։
Մայիսի 11-ին փոխանցում է ամերիկյան ABC News լրատվակայքը։
Իրաքի կառավարական բանակի զինծառայողները՝ 2010-ին ՆԱՏՕ-ի կազմակերպած մարզումների ժամանակ
Ստոլտենբերգը նշել է, որ անգամ ԱՄՆ գլխավորած կոալիցիայի կազմ մտնելու դեպքում ՆԱՏՕ-ի դերը ԻՊ դեմ պայքարում չի փոխվի. ՆԱՏՕ-ն շարունակելու է միայն օժանադակություն տրամադրել։
ՆԱՏՕ-ի՝ ԱՄՆ գլխավորած կոալիցիայի կազմ մտնելու որոշումը կկայացվի մայիսի 25-ին ՝ ՆԱՏՕ անդամ երկրների ղեկավարների հանդիպման ժամանակ։
Ավելի վաղ՝ փետրվարի 16-ին, Յենս Ստոլտենբերգը հայտարարել էր, որ Սիրիայում ընթացող պատերազմին ՆԱՏՕ-ի մասնակցությունը սահմանափակվում է միայն ԱՄՆ գլխավորած կոալիցիայի գործողություններին վաղ նախազգուշացման և վերահսկման օդային համակարգերով սպառազինված ինքնաթիռների (AWACS) կիրառմամբ: