Ավարտվել են ՌԴ ԶՈւ Կասպյան նավատորմիղի ծովայի հետևակի հավաքները

ՌԴ ԶՈւ Կասպյան նավատորմիղի ծովային հետևակի զինծառայողները ավարտել են 2017 թվականի առաջին կիսամյակի օդադեսանտային պատրաստության ծրագիրը։ Պատրաստության շրջանակներում զինծառայողները պարաշյուտով իրականացրել են ավելի քան 1000 թռիչք։

Այս մասին մայիսի 8-ին տեղեկացնում է ՌԴ ՊՆ կայքը։

ՌԴ ԶՈւ զինծառայողները իրականացնում են դեսանտավորում (արխիվ)

ՌԴ ԶՈւ զինծառայողները իրականացնում են դեսանտավորում (արխիվ)

Թռիչքներն իրականացվել են Մի-8 ուղղաթիռներից՝ 800 մետր բարձրությունից, ցերեկային և գիշերային ժամերին։

Օդադեսանտային պատրաստության հավաքներին ներգրավվել է 2 դեսանտագրոհային ստորաբաժանում՝ ընդհանուր առմամբ 200 զինծառայող։ Շուրջ 20 զինծառայող պարաշյուտով թռիչք իրականացրել են առաջին անգամ։ Իսկ նրանք, ովքեր նախկինում նույնպես իրականցրել են թռիչքներ, այս անգամ պարաշյուտով կատարել են ամենաքիչը 8 թռիչք։

Զինծառայողները մշակել են նաև վայրէջքից հետո նշանակված վայրում հավաքվելու, պայմանական հակառակորդի օբյեկտների նկատմամբ դիվերսիոն գործողություններ իրականացնելու հարցեր։

Հավաքները անցկացվել են Աստրախանի մարզի Պրիվոլժսկիյիի օդանավակայանում։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *