Թուրքիայի ԶՈւ ցամաքային զորքերի հրամանատարությունը պատվիրել է թուրքական TAI ավիաշինական ընկերության արտադրության Hürkuş C («Հյուրքուշ») ուսումնամարտական ինքնաթիռներ: Թուրքական զինուժը պատրաստվում է այդ ինքնաթիռներն օգտագործել «ահաբեկիչների դեմ պայքարում»: Այս մասին մայիսի 8-ին հայտնում է թուրքական «Դողան» գործակալությունը:
Թուրքական արտադրության «Հյուրքուշ» ուսումնամարտական ինքնաթիռ
Թուրքիայի ցամաքային ուժերը պատվիրել է 12 միավոր սպառազինված «Հյուրքուշ» և 12-ը՝ պայմանագրի օպցիոնով կգնի: Ներկայում այդ ինքնաթիռներ պատվիրել է նաև Թուրքիայի ռազմաօդային ուժերի հրամանատարությունը:
Հիշեցնենք, որ ապրիլի 8-ին փորձարկվել էր «Հյուրքուշ» ուսումնամարտական ինքնաթիռի վրա տեղադրված, թուրքական «Ռոքեթսան» ընկերության արտադրության «Մըզրաք-Ու» հակատանկային, լազերային ուղղորդմամբ հրթիռի արձակումը:
«Մըզրաք-Ու» հրթիռի մարտավարատեխնիկական բնութագրերը.
- Խոցման առավելագույն հեռավորությունը — 8 կմ,
- Նվազագույնը — 0.5 կմ,
- Տրամաչափը — 160 մմ,
- Երկարությունը — 1800 մմ,
- Զանգվածը — 37,5 կգ:
Թուրքիայի զինուժը առայժմ նման ինթնաթիռներ չի ստացել: Եթե նախկինում նախատեսվում դրանք թուրքական զինուժին մատակարարել 2018 թ., ապա ներկայում այդ ժամկետը հետաձգվել է առնվազն մինչև 2020 թ.: