Իրանա-պակիստանյան սահմանին սպանվել են իրանցի սահմանապահներ

Իրանա-պակիստանյան սահմանին տեղի ունեցած զինված միջադեպի հետևանքով սպանվել է Իրանի սահմանապահ ծառայության 10 զինծառայող, ևս 3-ը վիրավորվել են։ Իրանի ոստիկանական ուժերի խոսնակ Մոնթազեր Ալմեհդիի խոսքերով՝ սահմանապահները սպանվել են հեռահար զենքի միջոցով։

Այս մասին ապրիլի 26-ին  տեղեկացնում է իրանական Press Tv  լրատվական գործակալությունը։

Իրանցի սահմանապահներ

Իրանցի սահմանապահներ

Հանցագործության պատասխանատվությունը ստանձնել է «Ջեյշ ալ զոլմ» ահաբեկչական խմբավորումը։

Նշենք, որ 2016թ հունիսից Իրանը երկրի հյուսիս-արևմուտքում և հարավ-արևելքում ահաբեկչական խմբավորումների դեմ ակտիվ պայքար է մղում:

Հունիս-հուլիս ամիսներին իրականացրած հակաահաբեկչական գործությունների արդյունքում ձերբակալվել և ոչնչացվել են մի քանի տասնյակ ահաբեկիչներ:

Իսկ օգոստոսի 3-ին Իրանի ոստիկանության և անվտանգության ուժերը վնասազերծել են «Թաուհիդ և Ջիհադ» ահաբեկչական խմբավորման 102 զինյալի: Արևմտյան և հյուսիս-արևմտյան Իրանում խմբի ծավալած գործողություններից  տուժել է 60 իրանցի (20 զոհ, 40 վիրավոր), այդ թվում նաև Քրդստանի սունիներ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *